முடிவெட்ட வந்த சிறுமிக்கு பாலியல் தொல்லை : சலூன் கடைக்காரர் மீது போச்சோ வழக்குப்பதிவு

» செய்திகள் - விளையாட்டு » தமிழகம்

முடிவெட்ட வந்த சிறுமிக்கு பாலியல் தொல்லை : சலூன் கடைக்காரர் மீது போச்சோ வழக்குப்பதிவு

சனி 16, நவம்பர் 2024 8:53:32 AM (IST)

நெல்லை அருகே முடிவெட்ட வந்த சிறுமிக்கு பாலியல் தொல்லை கொடுத்த சலூன் கடைக்காரரை போலீசார் வலைவீசி தேடி வருகின்றனர்.

நெல்லை மாவட்டம் மூலைக்கரைப்பட்டி அருகே அரசனார்குளத்தைச் சேர்ந்தவர் கணேசன் (35). முடி திருத்தும் தொழிலாளியான இவர் முனைஞ்சிப்பட்டியில் சலூன் கடை நடத்தி வருகிறார். சம்பவத்தன்று இவரது கடையில் 4 வயது சிறுமிக்கு முடி வெட்டுவதற்காக தந்தை அழைத்து வந்தார். சிறுமிக்கு முடி வெட்டுமாறு சலூன் கடைக்காரர் கணேசனிடம் கூறி விட்டு தந்தை அருகில் உள்ள கடைக்கு சென்றார்.

சிறுமிக்கு கணேசன் முடி வெட்டினார். அப்போது கடையில் வேறு யாரும் இல்லை. இதனை பயன்படுத்தி கொண்ட கணேசன் சிறுமிக்கு பாலியல் தொல்லை கொடுத்ததாக கூறப்படுகிறது. இதனால் சிறுமி அழுதவாறு இருந்தாள். பின்னர் கடைக்கு வந்த தந்தை, முடி வெட்டியதால்தான் சிறுமி அழுகிறாள் என்று கருதி வீட்டுக்கு அழைத்து சென்றார். வீட்டிலும் அழுதவாறு இருந்த சிறுமியிடம் தாயார் விசாரித்தார்.

அப்போது சிறுமிக்கு சலூன் கடைக்காரர் பாலியல் தொல்லை கொடுத்தது தெரிய வந்தது. இதுகுறித்து சிறுமியின் பெற்றோர் நாங்குநேரி அனைத்து மகளிர் போலீஸ் நிலையத்தில் புகார் அளித்தனர். அதன்பேரில், போலீசார் போச்சோ சட்டத்தில் வழக்குப்பதிவு செய்து, தலைமறைவான கணேசனை வலைவீசி தேடி வருகின்றனர். இந்த சம்பவம் பரபரப்பை ஏற்படுத்தி உள்ளது.

மக்கள் கருத்து

NAAN THAANNov 21, 2024 - 11:06:33 AM | Posted IP 162.1*****

அட அந்த கணேசனுக்கு தும்பிக்கை யை எடுத்துருங்க பா ,,, அசிங்கமா கேஸ் கொடுத்துக்கிட்டு

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

முடிவெட்ட வந்த சிறுமிக்கு பாலியல் தொல்லை : சலூன் கடைக்காரர் மீது போச்சோ வழக்குப்பதிவு

» செய்திகள் - விளையாட்டு » தமிழகம்