» செய்திகள் - விளையாட்டு » தமிழகம்
திரைப்பட இயக்குநர் பாரதிராஜாவை சந்தித்து நலம் விசாரித்த முதல்வர் ஸ்டாலின்!!
சனி 10, செப்டம்பர் 2022 3:38:42 PM (IST)
உடல் நலம் தேறி வரும் திரைப்பட இயக்குநர் பாரதிராஜாவை அவரது இல்லத்திற்குச் சென்று முதல்வர் ஸ்டாலின் நலம் விசாரித்தார்.
திரைப்பட இயக்குநா் பாரதிராஜா (81). வயது முதிா்வு மற்றும் நுரையீரல் பாதிப்பு காரணமாக உடல்நிலை பாதிக்கப்பட்டு, சென்னை எம்.ஜி.எம்., ஹெல்த் கோ் மருத்துவமனையில் அனுமதிக்கப்பட்டார். வயது முதிா்வின் காரணமாகத்தான், அவருக்கு நுரையீரல் பாதிப்பு ஏற்பட்டதாகவும், தற்போது சிகிச்சை பெற்று குணமடைந்துள்ளதாகவும் ஆனால் வீடு திரும்பினாலும், தொடா்ந்து ஓய்வில் இருக்க வேண்டும் என்றும் மருத்துவர்கள் கூறியுள்ளனர்.
நேற்று மாலை மருத்துவமனையில் இருந்து வீடு திரும்பிய பாரதிராஜாவின் உடல்நிலை சீராகவும், ஆரோக்கியமாகவும் உள்ளதாகவும் அவரது மகன் மனோஜும் கூறியுள்ளார். இந்நிலையில், பாரதிராஜாவை தமிழக முதல்வர் மு.க.ஸ்டாலின் நேரில் சந்தித்து நலம் விசாரித்தார். நீலாங்கரையில் உள்ள பாரதிராஜாவின் இல்லத்திற்குச் சென்ற முதல்வர் ஸ்டாலின், பாரதிராஜாவிடம் உடல்நலம் குறித்துக் கேட்டறிந்தார்.
bharathirajaSep 11, 2022 - 06:17:12 PM | Posted IP 162.1*****