தூத்துக்குடியில் லோடுமேன் தூக்கிட்டுத் தற்கொலை : போலீசார் விசாரணை!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் லோடுமேன் தூக்கிட்டுத் தற்கொலை : போலீசார் விசாரணை!

திங்கள் 17, ஆகஸ்ட் 2026 10:33:17 AM (IST)

தூத்துக்குடியில் சுமைதூக்கும் தொழிலாளி திடீரென வீட்டில் தூக்கிட்டுத் தற்கொலை செய்து கொண்ட சம்பவம் குறித்து போலீசார விசாரணை நடத்தி வருகின்றனர்.

தூத்துக்குடி சிப்காட் காவல் நிலைய எல்லைக்குட்பட்ட முருகேசன் நகரைச் சேர்ந்த தேவேந்திரனின் மகன் முத்துராஜா (28). சுமைதூக்கும் தொழிலாளியாக பணியாற்றி வந்த இவருக்குக் காது கேளாத மனைவி மற்றும் 3 வயதில் ஒரு மகன் உள்ளனர். முத்துராஜா அவ்வப்போது மது அருந்தும் பழக்கம் கொண்டவர் என்று கூறப்படுகிறது.

நேற்று ஞாயிற்றுக்கிழமை விடுமுறை தினம் என்பதால் முத்துராஜா வீட்டிலேயே இருந்துள்ளார். இரவு 7.30 மணியளவில், முத்துராஜாவும் அவரது மனைவியும் சேர்ந்து தங்களின் 3 வயது மகனை அருகிலேயே தனியாக வாடகை வீட்டில் வசித்து வரும் முத்துராஜாவின் தாயார் வீட்டில் கொண்டு போய் விட்டுள்ளனர்.

அதன்பின்னர் சிறிது நேரத்தில், முத்துராஜாவின் மனைவி பதற்றத்துடன் வந்து அத்தையை அழைத்துள்ளார். சந்தேகமடைந்த தாயார் மற்றும் உறவினர்கள் உடனடியாக முத்துராஜாவின் வீட்டிற்குச் சென்று பார்த்தபோது, கதவு உள்பக்கமாகப் பூட்டப்பட்டிருந்தது. கதவை உடைத்து உள்ளே சென்று பார்த்தபோது, முத்துராஜா வீட்டின் வேஷ்டியால் தூக்கிட்டுத் தொங்கிய நிலையில் கிடப்பைக் கண்டு அதிர்ச்சியடைந்தனர்.

போலீசார் நடவடிக்கை:

சம்பவ இடத்திற்குச் சென்ற சிப்காட் காவல் நிலைய உதவி ஆய்வாளர் காமராஜன் தீவிர விசாரணை மேற்கொண்டு வருகிறார். முத்துராஜாவின் உடல் மீட்கப்பட்டு உடற்கூறாய்வுப் பரிசோதனைக்காகத் தூத்துக்குடி அரசு மருத்துவக் கல்லூரி மருத்துவமனை பிரேதக் கிடங்கிற்கு அனுப்பி வைக்கப்பட்டது. இச்சம்பவம் குறித்துச் சிப்காட் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தூத்துக்குடியில் லோடுமேன் தூக்கிட்டுத் தற்கொலை : போலீசார் விசாரணை!

» செய்திகள் - விளையாட்டு » மாவட்ட செய்தி (தூத்துக்குடி)