ஸ்பிக் நகர் மேல்நிலைப் பள்ளியில் 80-வது சுதந்திர தின விழா!

தூத்துக்குடி ஸ்பிக் நகர் மேல்நிலைப் பள்ளி மைதானத்தில் 80-வது சுதந்திர தின விழா இன்று மிகச் சிறப்பாகக் கொண்டாடப்பட்டது. 

இவ்விழாவில் உரங்கள் குழுமத்தின் தொழில்நுட்ப இயக்குநர் செந்தில்நாயகம் சிறப்பு விருந்தினராகக் கலந்துகொண்டார். பள்ளி வளாகத்தில் மூவர்ணத் தேசியக் கொடியை ஏற்றி வைத்த அவர், மாணவர்களின் கம்பீரமான அணிவகுப்பு மரியாதையை ஏற்றுக்கொண்டு சிறப்புரையாற்றினார். 

விழாவில் மாணவ-மாணவிகளின் பல்வேறு கலை நிகழ்ச்சிகள் பார்வையாளர்களைக் கவர்ந்தன. மாணவர்கள் ஒன்றிணைந்து பாடிய தேசப்பற்றுப் பாடலும், தமிழர்களின் பாரம்பரியக் கலையான பரதநாட்டிய நடனமும் விழாவிற்கு முத்திரை சேர்த்தன.  தமிழ் மற்றும் ஆங்கிலத்தில் மாணவர்கள் ஆற்றிய நயமான உரைகளும், உணர்ச்சிமிக்கக் கவிதைகளும் பாராட்டைப் பெற்றன. குட்டிச் சுட்டிகள் தேசத் தலைவர்களைப் போல் வேடமணிந்து மேடையில் பேசியது அனைவரின் மனதையும் கவர்ந்தது. 

இந்நிகழ்ச்சியில் பள்ளிச் செயலாளர் டிவிஎஸ் பிரேம்சந்தர், பள்ளித் தலைமையாசிரியர் எல். பாபு ராதாகிருஷ்ணன், ஸ்பிக் மற்றும் கிரீன்ஸ்டார் நிறுவனங்களின் உயர் அதிகாரிகள், ஆசிரியப் பெருமக்கள், மாணவர்கள் மற்றும் பெற்றோர்கள் பெருந்திரளாகக் கலந்துகொண்டனர்.