வெயிலின் உக்கிரத்தில் தண்ணீருக்காக தவிக்கும் மக்கள்: ஆட்சியர் நடவடிக்கை எடுக்க கோரிக்கை!

» செய்திகள் - விளையாட்டு » மாவட்ட செய்தி (தூத்துக்குடி)

வெயிலின் உக்கிரத்தில் தண்ணீருக்காக தவிக்கும் மக்கள்: ஆட்சியர் நடவடிக்கை எடுக்க கோரிக்கை!

சனி 25, ஏப்ரல் 2026 10:11:07 AM (IST)

தூத்துக்குடி மாவட்டம் சேர்வைக்காரன்மடம் ஊராட்சியில் உள்ள காமராஜர் நகர் மற்றும் சக்கம்மாள்புரம் பகுதிகளில், கடும் கோடை வெயிலின் உக்கிரத்தில் குடிநீர் இல்லாமல் பொதுமக்கள் கடும் அவதியடைந்து வருகின்றனர்.

இந்த பகுதிகளுக்கு தமிழ்நாடு குடிநீர் வடிகால் வாரியம் (TWAD) மூலம் CWSS கூட்டு குடிநீர் திட்டத்தின் கீழ் ஆற்று தண்ணீர் விநியோகிக்கப்பட வேண்டும். ஆனால் பைப் லைன் வழித்தடங்களில் அடிக்கடி உடைப்பு ஏற்பட்டதால், அந்த பகுதிகளுக்கு செல்லும் பைப் லைன்கள் சேதமடைந்து கடந்த நான்கு மாதங்களாக குடிநீர் விநியோகம் நடைபெறவில்லை என பொதுமக்கள் தெரிவித்துள்ளனர்.

சாயர்புரம் – தேரி சாலை பகுதியில் அடிக்கடி பைப் உடைப்பு ஏற்பட்டதால், சாயர்புரத்திலிருந்து காமராஜர் நகர் வழியாக செல்லும் பைப் லைன் மாற்றும் பணிகள் மேற்கொள்ளப்பட்டன. மேலும் அந்த பகுதியில் தேரி சாலை விரிவாக்கம் பணிகளும் நடைபெற்றன. அந்த பணிகளின் போது காமராஜர் நகர் மற்றும் சக்கம்மாள்புரம் பகுதிகளுக்கு செல்லும் பைப் லைன் சுமார் 600 மீட்டர் சேதமடைந்ததாக கூறப்படுகிறது.

ஆனால் பழுதடைந்த பைப் லைன்களை இதுவரை மாற்றாததால், காமராஜர் நகர் மற்றும் சக்கம்மாள்புரம் பகுதிகளில் கடந்த நான்கு மாதங்களாக குடிநீர் விநியோகம் நடைபெறாமல் உள்ளது. இதனால் கோடை காலத்தின் கடும் வெயிலில் பொதுமக்கள் குடிப்பதற்கே தண்ணீரை பணம் கொடுத்து வாங்க வேண்டிய அவல நிலைக்கு தள்ளப்பட்டுள்ளதாக மக்கள் குற்றம்சாட்டுகின்றனர்.

இந்நிலையில் சாயர்புரம் தேரி சாலை பகுதியில் தமிழ்நாடு குடிநீர் வடிகால் வாரியத்தின் பணிகள் முடிந்தும், தேரி மேல் நிலைத் தேக்கத் தொட்டியிலிருந்து காமராஜர் நகர் மற்றும் சக்கம்மாள்புரம் பகுதிகளுக்கு தண்ணீர் வழங்கும் பைப் லைன் பணிகள் இன்னும் நடைபெறவில்லை என்றும் கூறப்படுகிறது.

இதுகுறித்து சேர்வைக்காரன்மடம் ஊராட்சியின் முன்னாள் துணைத் தலைவர் ஏஞ்சலின் ஜெனிட்டா, பொதுமக்கள் சார்பில் மாவட்ட ஆட்சியரிடம் மனு அளித்து, பழுதடைந்த பைப் லைன்களை தமிழ்நாடு குடிநீர் வடிகால் வாரியத்தின் மூலம் போர்கால அடிப்படையில் உடனடியாக மாற்றி குடிநீர் விநியோகத்தை விரைந்து தொடங்க நடவடிக்கை எடுக்க வேண்டும் என கோரிக்கை விடுத்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: