தூத்துக்குடி மாவட்டத்தில் ரூ.67 லட்சம் ரொக்கம் பறிமுதல்: ஆட்சியர் விஷு மகாஜன் தகவல்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மாவட்டத்தில் ரூ.67 லட்சம் ரொக்கம் பறிமுதல்: ஆட்சியர் விஷு மகாஜன் தகவல்!

சனி 4, ஏப்ரல் 2026 4:24:07 PM (IST)

தூத்துக்குடி மாவட்டத்தில் தேர்தல் பறக்கும் படையினரால் இதுவரை ரூ.67 லட்சம் ரொக்கம் பறிமுதல் செய்யப்பட்டுள்ளதாக மாவட்ட தேர்தல் அலுவலர் விஷு மகாஜன் தெரிவித்துள்ளார்.

தமிழ்நாடு சட்டமன்றப் பொதுத்தேர்தல் - 2026 முன்னிட்டு, தூத்துக்குடி மாவட்டத்தில் தேர்தல் நடத்தை விதிகள் தீவிரமாக அமல்படுத்தப்பட்டு வருகின்றன. வாக்காளர்களுக்குப் பணம் மற்றும் பொருட்கள் விநியோகம் செய்வதைத் தடுக்க மாவட்ட முழுவதும் பறக்கும் படைகள் (Flying Squads) மற்றும் நிலையான கண்காணிப்புக் குழுவினர் (Static Surveillance Teams) தீவிர சோதனையில் ஈடுபட்டு வருகின்றனர்.

இன்று (04.04.2026) வரை மேற்கொள்ளப்பட்ட சோதனைகளில் பறிமுதல் செய்யப்பட்ட பணம் மற்றும் பொருட்களின் விவரங்களை மாவட்ட தேர்தல் அலுவலரும், மாவட்ட ஆட்சியருமான விஷு மகாஜன், வெளியிட்டுள்ளார்.

பறிமுதல் செய்யப்பட்ட விவரங்கள்:

உரிய ஆவணங்களின்றி கொண்டு செல்லப்பட்ட மொத்த ரொக்கத் தொகை ரூ. 67,08,115/- பறிமுதல் செய்யப்பட்டுள்ளது.

தேர்தல் விதிகளை மீறி கொண்டு வரப்பட்ட ரூ. 13,24,298/- மதிப்பிலான இலவசப் பொருட்கள் கைப்பற்றப்பட்டுள்ளன.

சட்டவிரோதமாகக் கொண்டு செல்லப்பட்ட ரூ. 4,25,262/- மதிப்பிலான மதுபானங்கள் பறிமுதல் செய்யப்பட்டுள்ளன.

சோதனையின் போது ரூ. 7,35,640/- மதிப்பிலான போதைப்பொருட்கள் கண்டறியப்பட்டுப் பறிமுதல் செய்யப்பட்டுள்ளன.

மாவட்டத்தின் அனைத்துப் பகுதிகளிலும் கண்காணிப்புப் பணிகள் மேலும் தீவிரப்படுத்தப்பட்டுள்ளதாகவும், பொதுமக்கள் உரிய ஆவணங்களின்றி அதிக அளவில் பணத்தைக் கொண்டு செல்வதைத் தவிர்க்க வேண்டும் என்றும் மாவட்ட ஆட்சியர் அறிவுறுத்தியுள்ளார். தேர்தல் விதிமீறல்கள் தொடர்பாகப் பொதுமக்கள் மாவட்டக் கட்டுப்பாட்டு அறைக்குத் தகவல் தெரிவிக்கலாம் எனவும் அவர் கேட்டுக்கொண்டுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: