தூத்துக்குடியில் இந்து முன்னணி அலுவலகம் திறப்பு விழா

தூத்துக்குடியில்  இந்து முன்னணி மாநகர மாவட்ட அலுவலகம் திறப்பு விழா நடந்தது.

தூத்துக்குடி சுப்பையா புரம் 1-வது தெருவில் இந்து முன்னணி மாநகர மாவட்ட அலுவலகம் திறப்பு விழா மாவட்ட தலைவர் இசக்கி முத்துக்குமார் தலைமையில் நடந்தது. தொழிலதிபர்கள் எஸ். பெரியசாமிநாதன், பி.பி.எம். டி.பொன் குமரன், முன்னாள் ராணுவவீரர் நடராஜன், தொழில் அதிபர் ஈசுவரன், ஆதிநாதன், ஆழ்வார் ஆகியோர் குத்துவிளக்கு ஏற்றி வைத்தனர். மாநில துணைத்தலைவர்கள் வி.பி.ஜெயக்குமார், அரசுராஜா ஆகியோர் இந்து முன்னணி கொடியேற்றினர்.

நிகழ்ச்சியில் மாநில நிர்வாகக்குழு உறுப்பினர் சக்திவேலன், மாநில பேச்சாளர் மாயக்கூத்தன், நெல்லை கோட்ட செயலாளர் பிரம்மநாயகம், நெல்லை மாவட்ட இந்து வியாபாரிகள் சங்க தலைவர் சங்கர், தூத்துக்குடி மாநகர் மாவட்ட பொதுச் செயலாளர் நாராயணராஜ், மாவட்ட செயலாளர் சரவணக்குமார், இந்து வக்கீல் முன்னணி இசக்கிலட்சுமி, இந்து அன்னையர் முன்னணி மாவட்ட செயலாளர் சொர்ணசுந்தரி உள்பட பலர் கலந்து கொண்டனர்.