தூத்துக்குடியில் கொள்ளை வழக்கில் கைதான 3பேர் மீது தடுப்பு காவல் சட்டம் பாய்ந்தது!

தூத்துக்குடியில் நடந்த கொள்ளை வழக்கில் சம்பந்தப்பட்ட 3பேர் இன்று தமிழ்நாடு தடுப்பு காவல் சட்டத்தின் கீழ் கைது செய்யப்பட்டனர்.

தூத்துக்குடியில் சிப்காட் காவல் நிலைய எல்லைக்குட்பட்ட பகுதியில் லாரி ஓட்டுநரை தாக்கிய கொள்ளை முயற்சியில் ஈடுபட்ட வழக்கில் தூத்துக்குடியைச்  சேர்ந்த அஸ்வின் ஜெயக்குமார் (20), காமராஜ் (18) மற்றும் வேல்முருகன் (19) ஆகியோர் மீது தமிழ்நாடு தடுப்பு காவல் சட்டத்தின் (1982) கீழ் நடவடிக்கை எடுக்க சிப்காட் காவல் நிலைய ஆய்வாளர் திரு. தனசேகரன் மாவட்ட காவல் கண்காணிப்பாளருக்கு வேண்டுகோள் விடுத்தார்.

அதன்பேரில் மாவட்ட காவல் கண்காணிப்பாளர் நை.சிலம்பரசன் பரிந்துரையின்படி மாவட்ட ஆட்சித் தலைவர் இளம்பகவத் உத்தரவின் பேரில் மேற்படி 3பேரும் இன்று (01.02.2026) தமிழ்நாடு தடுப்பு காவல் சட்டத்தின் கீழ் பாளையங்கோட்டை மத்திய சிறையில் அடைக்கப்பட்டனர்.