தூத்துக்குடி சிவன் கோவிலில் தைப்பூசத் திருவிழா

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி சிவன் கோவிலில் தைப்பூசத் திருவிழா

ஞாயிறு 1, பிப்ரவரி 2026 8:18:02 PM (IST)

தூத்துக்குடி சிவன் கோவிலில் நடந்த தைப்பூசத் திருவிழாவில் ஆயிரக்கணக்கான புத்தர்கள் கலந்து கொண்டு சாமி தரிசனம் செய்தனர்

தூத்துக்குடி நகரின் மையப் பகுதியில் அமைந்துள்ள அன்னை அன்னை ஸ்ரீ பாகம்பிரியாள் உடனுறை சங்கர ராமேசுவரா் திருக்கோவில் என்று அழைக்கப்படும் சிவன் கோவிலில் தைப்பூச திருவிழா ஆண்டுதோறும் வெகு விமரிசையாக நடைபெற்று வருகிறது. இந்த நிலையில் இந்த ஆண்டிற்கான தைப்பூசத் திருவிழா நடந்தது.

இதையொட்டி காலை 8.30 மணிக்கு தெப்பக்குளம் முன்புள்ள ஸ்ரீ சோமாஸ்கந்தர் சுந்தரபாண்டிய விநாயகர் கோவிலுக்கு அருள்மிகு ஸ்ரீ சங்கரா ராமேஸ்வரர் அன்னை ஸ்ரீ பாகம்பிரியாள் எழுந்தருளி 9மணிக்கு கும்ப பூஜை, 10மணிக்கு அபிஷேகம், 11மணிக்கு தீர்த்தவாரி நடந்தது நண்பகல் 12 மணிக்கு சுவாமி அம்பாளுக்கு அலங்கார தீபாராதனை நடந்தது

பின்னர், இரவு 7 மணிக்கு சுவாமி, அம்பாள், சுந்தரபாண்டிய விநாயகர் திருக்கோவிலில் சோடச தீபாராதனை நடந்தது இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர். மேலும் தெப்பகுளத்தின் சுவர் சேதம் அடைந்துள்ளதால் இந்த ஆண்டு தெப்ப உற்சவம் நடைபெறவில்லை. இதனால் சுவாமி அம்பாள் ரதவீதி உலா தெப்பக்குளம் ரோட்டை சுற்றி வந்து கோவிலை சென்றடைந்தது.

பூஜைகளர கோவில் பிரதான பட்டர்கள் செல்வம் மற்றும் சண்முகம் ஆகியோர் நடத்தினர். விழாவில் சிவன் கோவில் செயல் அலுவலர் தமிழ்ச்செல்வி அறங்காவலர் குழு தலைவர் கந்தசாமி அறங்காவலர்கள் பிஎஸ்கே ஆறுமுகம் கேகேஜி குமரன் உள்பட ஆயிரக்கணக்கான பக்தர்கள் கலந்து கொண்டனர்

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: