கோவில்பட்டி பகுதியில் நிலநடுக்கம்: வீதிகளில் தஞ்சம் புகுந்த பொதுமக்கள்!

கோவில்பட்டி, கழுகுமலை உள்ளிட்ட பகுதிகளில் நேற்று இரவு லேசான நில அதிர்வு உணரப்பட்டது. நில அதிர்வால் வீடுகள் குலுங்கியதால் மக்கள் அச்சமடைந்து வீதிகளில் தஞ்சம் புகுந்தனர். 

விருதுநகர் மாவட்டம் சிவகாசி, ஸ்ரீவில்லிபுத்தூர், தூத்துக்குடி மாவட்டம் கோவில்பட்டி மற்றும் அதன் சுற்றுவட்டார பகுதிகளில் நேற்று இரவு 9.30 மணியளவில் சிவகாசிக்கு மேற்கே 10 கி.மீ தொலைவில் பூமிக்கடியில் 10 கி.மீ ஆழத்தில் நிலநடுக்கம் ஏற்பட்டது. இது ரிக்டர் அளவுகோலில் 3.0 புள்ளிகள் பதிவாகி உள்ளது வீடுகள், கட்டடங்கள் லேசாக அதிர்ந்தன.மக்கள் அச்சத்தில் வீட்டை விட்டு வெளியேறினர். 

சிப்பிப்பாறை கிராமத்தில் வீட்டின் கண்ணாடிகள் நொறுங்கியுள்ளது. நிலநடுக்கத்தால் பெரிய அளவிலான உயிர் சேதமோ, பொருட்சேதமோ ஏற்பட்டதாக உடனடி தகவல்கள் இல்லை. இது ஒரு லேசான நில அதிர்வு என தேசிய நிலநடுக்க ஆய்வு மையம் உறுதிப்படுத்தியுள்ளது. தூத்துக்குடி மாவட்டம் கோவில்பட்டியில் நாலாட்டின்புதூர்.. பாண்டவர்மங்கலம், சுபா நகர் பகுதியில்  சில வினாடிகள் நிலநடுக்கத்தின் தாக்கம் இருந்ததாக அப்பகுதி பொதுமக்கள் கூறுகின்றனர்.

சிப்பிப்பாறை கிராமத்தில் அதிக அளவில் காணப்பட்டதால் மக்கள் குழந்தைகளுடன் வீட்டைவிட்டு வெளியேறினர்.சில நொடிகளுக்கு ஏற்பட்ட இந்த நில அதிர்வால் வீடுகள் லேசாக குலுங்கியதால் மக்கள் பதறியடித்து வீதிகளில் தஞ்சமடைந்தனர்.