» செய்திகள் - விளையாட்டு » மாவட்ட செய்தி (தூத்துக்குடி)
வட்டாட்சியர் அலுவலக பணிக்காக பழமைவாய்ந்த மரங்கள் வெட்டிசாய்ப்பு சமூக ஆர்வலர்கள் அதிருப்தி
புதன் 28, ஜூலை 2021 10:31:54 AM (IST)
சாத்தான்குளத்தில் வட்டாட்சியர் அலுவலக கட்டிடப்பணிக்காக பழமை வாய்ந்த மரங்கள் வெட்டி சாய்க்கப்பட்டதற்கு சமூக ஆர்வலர்கள் அதிருப்தி அடைந்துள்ளனர்.
தூத்துக்குடி மாவட்டம், சாத்தான்குளம் பழைய காவல் நிலையம் அருகில் உள்ள காலி இடத்தில் புதிய வட்டாட்சியர் அலுவலகம் அமைக்க கடந்த ஏப்ரல் மாதம் முன்னாள் எம்எல்ஏ, எஸ்.பி. சண்முகநாதன் அடிக்கல் நாட்டி தொடங்கி வைத்தார். அப்போது அலுவலகம் அமைய உள்ள இடத்தில் பழமை வாய்ந்த மரங்கள் நின்றன. அதனை அகற்றப்பட கூடும் என தெரிவிக்கப்பட்ட நிலையில் மரங்கள் அகற்றாமல் கட்டட பணிகளை தொடங்க வேண்டும் என ஓப்பந்தகாரர்களுக்கு அறிவுறுத்தப்பட்டது.
இந்நிலையில் கட்டட பணிக்காக அதில் நின்ற பழமை வாய்ந்த 4 மரங்கள் வெட்டப்பட்டதாக கூறப்படுகிறது. இதற்கு சமூக ஆர்வலர்கள் கண்டனம் தெரிவித்ததுடன் அதிருப்தி அடைந்துள்ளனர். தற்போது உலக வெப்பமாகுதல் தடுக்கவும், மழை பெற வேண்டியும் மரங்கள் நட வேண்டும் என வலியுறுத்தப்பட்டு வருகின்றன. இந்த நிலையில் பழைய மரங்கள் வெட்டி சாய்க்கப்பட்டுள்ளது மிகுந்த வருத்தம் தரும் வகையில் உள்ளதாக பொதுமக்கள் குற்றச்சாட்டியுள்ளனர்.
தூத்துக்குடி ஏரியா காரன்Jul 28, 2021 - 10:47:59 AM | Posted IP 162.1*****