ஐ.நா.வின் செயல்பாடுகள் பெரிய அளவில் ஒன்றும் இல்லை: ஜெய்சங்கர் விமர்சனம்

» செய்திகள் - விளையாட்டு » இந்தியா

ஐ.நா.வின் செயல்பாடுகள் பெரிய அளவில் ஒன்றும் இல்லை: ஜெய்சங்கர் விமர்சனம்

திங்கள் 7, அக்டோபர் 2024 11:35:15 AM (IST)

சமீப காலமாக ஐ.நா.வின் செயல்பாடுகள் பெரிய அளவில் ஒன்றும் இல்லை என்று மத்திய அமைச்சர் ஜெய்சங்கர் விமர்சனம் செய்துள்ளார்.

டெல்லியில் நடந்த கவுடில்ய பொருளாதார மாநாட்டில் மத்திய வெளிவிவகார துறை மந்திரி ஜெய்சங்கர் கலந்து கொண்டார். அவரிடம் மாறிவரும் உலகளாவிய சூழலில், ஐ.நா. அமைப்பின் பங்கு பற்றிய கேள்வி ஒன்று எழுப்பப்பட்டது. இதற்கு பதிலளித்த அவர், ஐ.நா. அமைப்பு ஒரு பழைய நிறுவனம் போன்று உள்ளது. நடப்பு நிலைமைக்கு ஏற்ப இல்லாமல் உள்ளது.

முடிவில், நமக்கு ஐ.நா. என்றொரு அமைப்பு உள்ளது. எனினும், செயல்பாட்டில் சிறந்த ஒன்றாக இல்லை. முக்கிய விவகாரங்களில் எந்தவித நடவடிக்கையும் அந்த அமைப்பு எடுக்காதபோது, நாடுகள் தங்களுடைய சொந்த முயற்சிகளை மேற்கொண்டு தீர்வுகளை காண்கின்றன.

எடுத்துக்காட்டாக, கடைசியாக 5 முதல் 10 ஆண்டுகளை பாருங்கள். நம்முடைய வாழ்க்கையில் நடந்த மிக முக்கிய நிகழ்வு கோவிட் (கொரோனா பெருந்தொற்று). கோவிட் தொற்றின்போது ஐ.நா. என்ன செய்தது? இதற்கான பதில், பெரிய அளவில் ஒன்றும் இல்லை என்றே நான் நினைக்கிறேன் என்றார்.

உலகில் இன்று 2 தீவிர மோதல்கள் நடந்து கொண்டிருக்கின்றன. ஐ.நா. எந்த இடத்தில் இருந்தது. பக்கத்தில் நின்று கொண்டிருக்கும் ஒரு பார்வையாளர் போன்று செயல்படுகிறது என கடுமையாக சாடியுள்ளார்.

தொடர்ந்து அவர், இந்திய-மத்திய கிழக்கு-ஐரோப்பிய பொருளாதார வழித்தடம், இந்தோ-பசிபிக் பகுதியில் குவாட் அமைப்பு மற்றும் பேரிடரில் இருந்து மீளும் உட்கட்டமைப்புக்கான கூட்டணி என சர்வதேச விசயங்களில் நாடுகள் ஒன்றிணைந்து நடவடிக்கைகளை மேற்கொள்ள தொடங்கி விட்டன. இவை எல்லாம் ஐ.நா. அமைப்புக்கு வெளியே ஒன்றிணைந்து செயல்பட கூடிய நாடுகளாக உள்ளன என கூறியுள்ளார்.

ஐ.நா. அமைப்பு, சர்வதேச அமைதி மற்றும் பாதுகாப்பை பேணுதல், தேவையானவர்களுக்கு மனிதாபிமான உதவிகளை வழங்குதல், மனித உரிமைகளை பாதுகாப்பது மற்றும் சர்வதேச சட்டங்களை நிலைநிறுத்துவது உள்ளிட்ட பணிகளை மேற்கொண்டு வருகிறோம் என அதன் வலைதளத்தில் வெளியிடப்பட்டு உள்ள செய்தியில் தெரிவித்து உள்ளது.

எனினும், காலமாற்றத்திற்கு ஏற்ப, ஐ.நா. அமைப்பு மற்றும் ஐ.நா. பாதுகாப்பு கவுன்சிலில் சீர்திருத்தங்களை மேற்கொள்ளும்படி இந்தியா தொடர்ந்து வலியுறுத்தி வருகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

ஐ.நா.வின் செயல்பாடுகள் பெரிய அளவில் ஒன்றும் இல்லை: ஜெய்சங்கர் விமர்சனம்

» செய்திகள் - விளையாட்டு » இந்தியா