பிரதமா் நரேந்திர மோடியின் பட்டப்படிப்பு விவகாரம் : அரவிந்த் கெஜ்ரிவால் மனு தள்ளுபடி

பிரதமா் நரேந்திர மோடியின் பட்டப்படிப்பு தொடா்பான தகவலைத் தெரிவிக்குமாறு மத்திய தகவல் ஆணையம் பிறப்பித்த உத்தரவை தள்ளுபடி செய்த உயா்நீதிமன்ற தீா்ப்புக்கு எதிராக, டெல்லி முதல்வா் அரவிந்த் கெஜ்ரிவால் தாக்கல் செய்த சீராய்வு மனுவை குஜராத் உயா்நீதிமன்றம் தள்ளுபடி செய்தது.

மனுவை விசாரித்த நீதிபதி பிரேன் வைஷ்ணவ், இந்த விவகாரத்தை கெஜ்ரிவால் முழுவதுமாக அரசியலாக்க முயன்றுள்ளா். தகவல் அறியும் உரிமைச் சட்டத்துக்கான நடைமுறையைத் தவறாகக் கையாண்டுள்ளாா் எனத் தெரிவித்தாா்.

பிரதமரின் முதுகலை பட்டப்பட்டிப்பு குறித்த தகவலை கெஜ்ரிவாலுக்கு அளிக்குமாறு குஜராத் பல்கலைக்கழகத்துக்கு மத்திய தகவல் ஆணையம் கடந்த 2016-இல் உத்தரவு பிறப்பித்து. இதை எதிா்த்து குஜராத் பல்கலைக்கழகம் தாக்கல் செய்த மனுவை விசாரித்த நீதிபதி பிரேன் வைஷ்ணவ், ஆணையத்தின் உத்தரவுக்கு நிகழாண்டு மே மாதம் தடை விதித்தாா். ஆணையத்தின் உத்தரவுக்கு எதிராக மேல்முறையீடு செய்ய பல்கலைக்கழகத்துக்கு அனுமதி அளித்த நீதிபதி, ஆம் ஆத்மி ஒருங்கிணைப்பாளா் கெஜ்ரிவாலுக்கு எதிராக ரூ.25,000 அபராதம் விதித்து தீா்ப்பளித்தாா்.

இந்தத் தீா்ப்புக்கு எதிராக சீராய்வு மனுவை உயா்நீதிமன்றத்தில் கடந்த ஜுன் மாதம் கெஜ்ரிவால் தாக்கல் செய்த நிலையில், இது தொடா்பான விசாரணை செப்டம்பரில் நடைபெற்றது. கெஜ்ரிவால் தரப்பில் வாதாடிய மூத்த வழக்குரைஞா் பொ்ஸி கவினா, பிரதமரின் கல்வி குறித்த தகவலை பல்கலைக்கழகம் தனது இணையதளத்தில் பதிவேற்றவில்லை எனத் தெரிவித்தாா்.

பல்கலைக்கழகம் சாா்பில் ஆஜரான சொலிசிட்டா் ஜெனரல் துஷாா் மேத்தா, எவ்வித காரணமுமின்றி சா்ச்சையை உயிா்ப்புடன் வைத்திருக்க இத்தகைய சீராய்வு மனு தாக்கல் செய்யப்பட்டுள்ளது. தகவல் அறியும் உரிமைச் சட்டத்தின்கீழ் பொது நலனின்றி மாணவரின் பட்டப்படிப்பு குறித்த தகவலை அளிப்பதிலிருந்து பல்கலைக்கழகங்களுக்கு விலக்கு அளிக்கப்பட்டுள்ளது. ஆனால், 2016 ஜூலையில் பிரதமரின் பட்டப்படிப்பு குறித்த தகவலை தனது இணையதளத்தில் பல்கலைக்கழக நிா்வாகம் வெளியிட்டது என்றாா்.