வருஷாபிஷேக விழாவை முன்னிட்டு இன்று காலை 8:00 மணியளவில் விக்னேஸ்வர பூஜை, புன்யாகவாசனம், வேதிகார்ச்சனை, ஸ்ரீ மஹா கணபதி ஹோமம், ஸ்ரீ ருத்ர ஸுக்த ஹோமம், திரவ்யாகுதி, பூர்ணாகுதி மற்றும் மகாபிஷேகம் ஆகியவை மங்கள வாத்தியங்கள் முழங்க நடைபெற்றன.
அதனைத் தொடர்ந்து காலை 9:30 மணியளவில் திருக்கோவில் விமானத்திற்குப் புனித நீர் ஊற்றப்பட்டு வருஷாபிஷேக கும்பாபிஷேகம் மிகச் சிறப்பாக நடைபெற்றது. பின்னர் காலை 11:30 மணியளவில் பஞ்சமுகார்ச்சனை, சிறப்பு தீபாராதனை மற்றும் பக்தர்களுக்குப் பிரசாதம் வழங்குதல் ஆகிய நிகழ்வுகள் நடைபெற்றன.
மாலையில் மங்கள வாத்தியத்தைத் தொடர்ந்து 6:30 மணிக்குத் திருமுறை பாராயணம் நடைபெறுகிறது.. இரவு 7:30 மணிக்கு வெள்ளி வாகனத்தில் எழுந்தருளிய பஞ்சமூர்த்திகளுக்கு சிறப்பு அலங்கார தீபாராதனை காண்பிக்கப்பட்டு, இரவு 8:00 மணிக்குச் சுவாமி பஞ்சமூர்த்திகளுடன் வீதி உலா வந்து பக்தர்களுக்கு பாலிக்கிறார்.
இவ்விழாவிற்கான அனைத்து ஏற்பாடுகளையும் திருக்கோவில் அறங்காவலர் குழு, திருக்கோவில் நிர்வாகம் மற்றும் அம்மையப்பர் பக்த சேவா சங்கத்தினர் சிறப்பாகச் செய்திருந்தனர். விழாவில் திரளான பக்தர்கள் கலந்துகொண்டு சாமி தரிசனம் செய்தனர்.