மெக்சிகோ சிட்டி கிராண்ட் பிரிக்ஸ் கார் பந்தயத்தில் மூன்றாவது இடத்தைப் பிடித்ததன் மூலம், மெர்சிடீஸ் அணியின் இத்தாலிய இளம் வீரர் கிமி ஆண்டனெல்லி, பார்முலா 1 வரலாற்றில் மிக இளம் வயதில் உலக சாம்பியன் பட்டம் வென்ற வீரர் என்ற வரலாற்றுச் சாதனையைப் படைத்துள்ளார்.
2026-ஆம் ஆண்டுக்கான பார்முலா 1 உலக சாம்பியன்ஷிப் தொடரின் மெக்சிகோ சிட்டி கிராண்ட் பிரிக்ஸ் போட்டி விறுவிறுப்பாக நடைபெற்றது. இதில் மெர்சிடீஸ் அணியின் கிமி ஆண்டனெல்லி 4-வது இடத்தில் இருந்து பந்தயத்தைத் தொடங்கினார்.
தொடக்கம் முதலே மிகச் சிறப்பான வேகத்தையும் நிதானத்தையும் வெளிப்படுத்திய அவர், போட்டியின் முடிவில் 3-வது இடத்தைப் பிடித்துத் தனது முதல் பார்முலா 1 உலக சாம்பியன் பட்டத்தை உறுதி செய்தார்.
இதற்கு முன்பு ஜெர்மனியின் செபாஸ்டியன் வெட்டல் 23 வயதில் உலக சாம்பியன் பட்டம் வென்றதே பார்முலா 1 வரலாற்றில் மிக இளம் வயதில் பட்டம் வென்ற சாதனையாக இருந்தது. தற்போது 20 வயது 68 நாட்களில் பட்டம் வென்றுள்ள கிமி ஆண்டனெல்லி, வெட்டலின் சாதனையைத் தகர்த்தெறிந்து புதிய வரலாறு படைத்துள்ளார்.
73 ஆண்டுகளுக்குப் பின் இத்தாலிக்குக் கிடைத்த பெருமை:
மேலும், 1953-ஆம் ஆண்டுக்குப் பிறகு பார்முலா 1 உலக சாம்பியன் பட்டம் வெல்லும் முதல் இத்தாலிய வீரர் என்ற வரலாற்றுச் சிறப்பையும் கிமி ஆண்டனெல்லி பெற்றுள்ளார்.
இப்போட்டியில் ரெட் புல் அணியின் மாக்ஸ் வெர்ஸ்டாப்பன் முதலிடத்தையும், லூயிஸ் ஹாமில்டன் இரண்டாவது இடத்தையும் பிடித்தது குறிப்பிடத்தக்கது.