ஐபிஎல் விதிமுறை மீறல்: ராஜஸ்தான் இளம் வீரரிடம் ஆக்ரோஷம் காட்டிய ஜேமிசனுக்கு அபராதம்!

» செய்திகள் - விளையாட்டு » விளையாட்டு

ஐபிஎல் விதிமுறை மீறல்: ராஜஸ்தான் இளம் வீரரிடம் ஆக்ரோஷம் காட்டிய ஜேமிசனுக்கு அபராதம்!

சனி 2, மே 2026 11:49:03 AM (IST)

ராஜஸ்தான் ராயல்ஸ் அணியின் இளம் நட்சத்திர வீரர் வைபவ் சூர்யவன்ஷியிடம் ஆக்ரோஷமாக நடந்துகொண்ட டெல்லி கேபிடல்ஸ் வேகப்பந்து வீச்சாளர் கைல் ஜேமிசனுக்கு, ஐபிஎல் ஒழுங்கு நடவடிக்கை குழு 'டிமெரிட்' புள்ளி வழங்கி எச்சரித்துள்ளது.

ஜெய்ப்பூரில் கடந்த நேற்று வெள்ளிக்கிழமை நடைபெற்ற ஐபிஎல் தொடரின் 43-வது லீக் போட்டியில் டெல்லி கேபிடல்ஸ் மற்றும் ராஜஸ்தான் ராயல்ஸ் அணிகள் மோதின. போட்டியின் முதல் இன்னிங்ஸின் 2-வது ஓவரில், ராஜஸ்தான் அணியின் 15 வயது இளம் வீரர் வைபவ் சூர்யவன்ஷியின் விக்கெட்டை கைல் ஜேமிசன் வீழ்த்தினார்.

விக்கெட் எடுத்த மகிழ்ச்சியில் ஜேமிசன், அவுட் ஆகி வெளியேறிய இளம் வீரர் வைபவ் அருகே சென்று ஆக்ரோஷமான சைகைகள் மற்றும் வார்த்தைகளால் அவரை வழிஅனுப்பி வைத்தார். இந்தச் செயல் களத்தில் இருந்த வீரர்களிடையே சலசலப்பை ஏற்படுத்தியது.

ஜேமிசனின் இந்தச் செயல், ஐபிஎல் நடத்தை விதிகளின் 2.5-வது பிரிவின் கீழ் (விளையாட்டு உணர்வுக்கு எதிராக மற்ற வீரர்களைத் தூண்டும் வகையில் செயல்படுதல்) விதிமீறலாகக் கருதப்படுகிறது. இது லெவல்-1 குற்றமாகக் கருதப்படுவதால், ஜேமிசனுக்கு ஒரு 'டிமெரிட்' புள்ளி வழங்கப்பட்டதுடன், போட்டி நடுவர் ராஜீவ் சேத் எச்சரிக்கையும் விடுத்துள்ளார்.

தன் மீதான குற்றச்சாட்டை ஒப்புக்கொண்ட ஜேமிசன், நடுவரின் தண்டனையை ஏற்றுக் கொண்டார். இந்த ஆக்ரோஷமான சூழலுக்கு மத்தியிலும், இப்போட்டியில் டெல்லி கேபிடல்ஸ் அணி சிறப்பாக விளையாடி 7 விக்கெட் வித்தியாசத்தில் ராஜஸ்தான் ராயல்ஸ் அணியை வீழ்த்தி அபார வெற்றி பெற்றது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: