» செய்திகள் - விளையாட்டு » விளையாட்டு
ஐபிஎல் 2023 தொடர்: நியூஸி. அணியில் வில்லியம்சன் விடுவிப்பு!
புதன் 15, மார்ச் 2023 10:39:34 AM (IST)
ஐபிஎல் தொடரில் கலந்துகொள்ளும் விதமாக நியூஸிலாந்து அணியில் இருந்து வில்லியம்சன் உள்ளிட்ட நட்சத்திர வீரர்கள் விடுவிக்கப்பட்டுள்ளனர்.
இலங்கை அணியானது நியூஸிலாந்தில் சுற்றுப்பயணம் மேற்கொண்டுள்ளது. இரு அணிகள் இடையிலான 2 டெஸ்ட் போட்டிகள் கொண்ட தொடரில் கிறைஸ்ட் சர்ச்சில் நடைபெற்ற முதல் டெஸ்டில் நியூஸிலாந்து அணி கடைசி பந்தில் வெற்றி பெற்றது. இதனால் அந்த அணி தொடரில் 1-0 என முன்னிலை வகிக்கிறது. 2-வது டெஸ்ட் போட்டி வரும் 17-ம் தேதி வெலிங்டனில் தொடங்குகிறது.
டெஸ்ட் தொடர் முடிவடைந்ததும் இரு அணிகளும் 3 ஒருநாள் கிரிக்கெட் போட்டி, 3 டி-20 கிரிக்கெட் போட்டிகள் கொண்ட தொடரில் மோத உள்ளன. இதில் ஒருநாள் போட்டித் தொடரின் ஆட்டங்கள் வரும் 25, 28, 31-ம் தேதிகளில் நடைபெற உள்ளது. இந்த தொடருக்கான நியூஸிலாந்து அணி அறிவிக்கப்பட்டுள்ளது. ஐபிஎல் தொடரில் கலந்துகொள்ளும் விதமாக அந்த அணியின் நட்சத்திர வீரர்கள் செய்யப்படவில்லை.
இந்த வகையில் கேன் வில்லியம்சன் (குஜராத் டைட்டன்ஸ்), டிம் சவுதி (கொல்கத்தா நைட் ரைடர்ஸ்), டேவன் கான்வே, மிட்செல் சாண்ட்னர் (சென்னை சூப்பர் கிங்ஸ்) ஆகியோர் இலங்கை அணிக்கு எதிரான ஒருநாள் கிரிக்கெட் போட்டி தொடருக்கான நியூஸிலாந்து அணியில் இடம் பெறவில்லை. இவர்கள் 4 பேரும் 2-வது டெஸ்ட் போட்டி முடிவடைந்ததும் அவர்கள் இடம் பெற்றுள்ள ஐபிஎல் அணிகளுடன் இணைவார்கள் என தெரிவிக்கப்பட்டுள்ளது.
முன்னணி வீரர்கள் இல்லாத நிலையில் இலங்கைக்கு எதிரான தொடருக்கான நியூஸிலாந்து அணியில் தென் ஆப்பிரிக்க வம்சாவளி வீரரான சாட் போவ்ஸ் சேர்க்கப்பட்டுள்ளார். வேகப்பந்து வீச்சாளர் பென் லிஸ்டருக்கும் இடம் வழங்கப்பட்டுள்ளது.
மக்கள் கருத்து
மேலும் தொடரும் செய்திகள்
_1685445174.jpg)
ரசிகர்களுக்காக மீண்டும் ஒரு சீசன் விளையாட விரும்புகிறேன்: தோனி உருக்கம்
செவ்வாய் 30, மே 2023 4:40:36 PM (IST)
ஐபிஎல் 2023: குஜராத்தை வீழ்த்தி 5வது முறையாக சென்னை அணி சாம்பியன்
செவ்வாய் 30, மே 2023 9:11:33 AM (IST)
மின்னொளி கபடி போட்டி: கூடங்குளம் அணி வெற்றி
திங்கள் 29, மே 2023 3:18:15 PM (IST)
அகில இந்திய ஹாக்கி போட்டி: நியூடெல்லி அணி சாம்பியன்!!
திங்கள் 29, மே 2023 10:19:53 AM (IST)
கில் மீண்டும் சதம்: மும்பையை வீழ்த்தி இறுதிப் போட்டிக்கு முன்னேறியது குஜராத் அணி!
சனி 27, மே 2023 10:32:55 AM (IST)
லக்னோவை வெளியேற்றியது மும்பை: குவாலிபயர்-2 ஆட்டத்திற்கு தகுதி!
வியாழன் 25, மே 2023 9:06:15 AM (IST)
10-வது முறையாக இறுதிப் போட்டியில் சிஎஸ்கே: குஜராத்தை 15 ரன்கள் வித்தியாசத்தில் வீழ்த்தியது!
புதன் 24, மே 2023 3:11:47 PM (IST)
Sponsored Ads
.gif)
