தூத்துக்குடியில் மாவட்ட கால்பந்து போட்டிகள் துவக்கம்

தூத்துக்குடியில் மாவட்ட கால்பந்து கழகம் சார்பில் மாவட்ட அளவிலான பள்ளிகளுக்கு இடையேயான கால்பந்து  இன்று தொடங்கியது.

தூத்துக்குடி மாவட்ட விளையாட்டு அரங்கில் வைத்து நடைபெற்ற துவக்க விழாவில் தமிழ்நாடு கால்பந்து கழகம் மற்றும் தூத்துக்குடி கால்பந்து கழக தலைவர் சேசையா வில்லவராயர், மாவட்ட விளையாட்டு அலுவலர்  எஸ் அந்தோணி அதிர்ஷ்டராஜ் ஆகியோர் போட்டிகளை துவக்கி வைத்தனர். மாவட்ட கால்பந்து கழக செயலர் ஐ. லூர்து பிரிஸ், அன்டோ மச்சாது, ஹாட்லி மச்சாது  ஆகியோர்  முன்னிலை வகித்தனர். 

போட்டிகள் இன்று தொடங்கி ஜன.6ம் தேதி வரை மாவட்ட விளையாட்டு அரங்கில் நடைபெறுகிறது. தூத்துக்குடி மாவட்டத்தை சார்ந்த 14 அணிகள் கலந்து கொள்கின்றன. போட்டிகள் தினமும் காலை மாலை இரு வேளைகளிலும் நடைபெறும்.  இன்று மாலை நடந்த முதல் போட்டியில் தூத்துக்குடி லசால் பள்ளியும் புன்னக்காயல் புனித ஜோசப் மேல்நிலைப்பள்ளி அணிகளும் விளையாடின. இதில்  புனித லசால் பள்ளி 4-0 என்ற கோல் கணக்கில் வெற்றி பெற்றது.