திரையரங்குகள், தொலைக்காட்சிகளில் விஜய் படங்களுக்கு தடை: தேர்தல் ஆணையத்தில் மனு!

» செய்திகள் - விளையாட்டு » தமிழகம்

திரையரங்குகள், தொலைக்காட்சிகளில் விஜய் படங்களுக்கு தடை: தேர்தல் ஆணையத்தில் மனு!

புதன் 25, மார்ச் 2026 5:12:30 PM (IST)

தமிழக சட்டமன்றத் தேர்தலை முன்னிட்டு, தமிழக வெற்றிக் கழகத்தின் தலைவரும் நடிகருமான விஜய்யின் திரைப்படங்களை திரையரங்குகள் மற்றும் தொலைக்காட்சிகளில் திரையிடத் தடை விதிக்கக் கோரி தேர்தல் ஆணையத்தில் காங்கிரஸ் நிர்வாகி மனு அளித்துள்ளார்.

தமிழக சட்டமன்றத் தேர்தல் வரும் ஏப்ரல் 23-ஆம் தேதி நடைபெற உள்ளது. தேர்தல் களம் சூடுபிடித்துள்ள நிலையில், அரசியல் கட்சிகள் தீவிரப் பிரச்சாரத்தில் ஈடுபட்டுள்ளன. இத்தேர்தலில் நடிகர் விஜய்யின் 'தமிழக வெற்றிக் கழகம்' கட்சி முதல்முறையாகக் களம் காண்கிறது.

தேர்தல் நடத்தை விதிமுறைகள் அமலில் உள்ள நிலையில், தமிழகம் முழுவதும் உள்ள திரையரங்குகள் மற்றும் தொலைக்காட்சிகளில் விஜய் நடித்த திரைப்படங்களைத் திரையிடத் தடை விதிக்க வேண்டும் என்று காங்கிரஸ் கட்சியைச் சேர்ந்த மதுரை தெற்குத் தொகுதிப் பொறுப்பாளர் செய்யது பாபு, தமிழகத் தேர்தல் ஆணையருக்குக் கடிதம் மூலம் கோரிக்கை வைத்துள்ளார்.

விஜய்யின் படங்கள் திரையிடப்பட்டால் அது மறைமுகத் தேர்தல் பிரச்சாரமாக அமையக்கூடும் என்பதால் இந்தத் தடை கோரப்பட்டுள்ளதாகக் கூறப்படுகிறது.

இதற்கிடையே, விஜய் நடித்துள்ள 'ஜனநாயகன்' திரைப்படம் தணிக்கை மற்றும் தேர்தல் விதிமுறை நடைமுறைகளின் கீழ் தேர்தல் ஆணையத்தின் பரிசீலனைக்கு அனுப்பப்பட்டுள்ளதாகத் தகவல்கள் தெரிவிக்கின்றன. தேர்தல் ஆணையம் இந்த மனு மற்றும் திரைப்பட விவகாரத்தில் என்ன மாதிரியான முடிவை எடுக்கப் போகிறது என்பது தமிழக அரசியல் மற்றும் திரைத்துறையினரிடையே பெரும் எதிர்பார்ப்பை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: