மேல்மருவத்தூர் ஆதிபராசக்தி மருத்துவமனையில் மூளை சாவு அடைந்தவரின் உடல் உறுப்பை 3 நோயாளிக்கு பொருத்தி சாதனை

மேல்மருவத்தூர் ஆதிபராசக்தி மருத்துவமனையில் மூளை சாவு அடைந்தவரின் உடல் உறுப்பை 3 நோயாளிக்கு பொருத்தி மருத்துவமனை இயக்குனர் ரமேஷ் தலைமையிலான மருத்துவர்கள் மாற்று அறுவை சிகிச்சை செய்து சாதனை படைத்துள்ளனர்.

செங்கல்பட்டு மாவட்டம் மேல்மருவத்தூர் ஆதிபராசக்தி மருத்துவமனையில் கிட்னி செயலிழந்த மூன்று நோயாளிகள் அனுமதிக்கப்பட்டிருந்தனர். இவர்களுக்கு ராமநாதபுரம், கோயம்புத்தூர் பகுதியில் இருந்து மூளைச்சாவு அடைந்தவர்களின் உடல் உறுப்பு தானம் செய்தனர். இதனைத் தொடர்ந்து மேல்மருவத்தூர் மருத்துவமனைக்கு மூன்று சிறுநீரகம் ஆம்புலன்ஸ் மூலமாக சாலை மார்க்கமாக 24 மணி நேரத்திற்குள் கொண்டு வந்து மேல்மருவத்தூரில் அனுமதிக்கப்பட்ட 12 வயதுக்கு உட்பட்ட சிறுமி மற்றும் இரண்டு பேர் சிறுநீரகம் மாற்று அறுவை சிகிச்சை வெற்றிகரமாக செய்யப்பட்டது.

இதில் மூன்று பேருக்கும் அறுவைச் சிகிச்சை வெற்றிகரமாக முடிந்த நிலையில் சிறுநீரகம் பொருத்தப்பட்ட அவர்கள் நலமுடன் உள்ளதாக மருத்துவமனையின் மருத்துவ இயக்குனர் டாக்டர் ரமேஷ் தெரிவித்துள்ளார். மேலும் மாற்று அறுவை சிகிச்சையானது செய்யப்பட்டு மேல்மருவத்தூர் ஆதிபராசக்தி மருத்துவமனை தற்போது மாற்று அறுவை சிகிச்சையில் மருத்துவர்கள் சாதனை படைத்துள்ளனர் எனவும் தெரிவித்தார். 

மேலும் இதுபோன்ற பொதுமக்கள் உடல் உறுப்பு தானம் செய்ய முன்வர வேண்டும் என்றும் இதற்கான விழிப்புணர்வு ஏற்படுத்த வேண்டும் என தெரிவித்தார். மருத்துவர்கள், சாதனை படைத்த மருத்துவர்கள் இதுபோல் பொது மக்களிடையே உடலுறுப்பு தானம் செய்ய முன்வர வேண்டும் என்று விழிப்புணர்வு ஏற்படுத்த வேண்டும் என்று கூறினார்.

இந்நிகழ்வில் மேல்மருவத்தூர் ஆதிபராசக்தி மருத்துவமனையின் மருத்துவர்கள் கபாலி, நீலமேகம், பிரபு காஞ்சி, ரமேஷ்ராஜ், குமரேசன், வசிகரன், ராஜ்குமார், உள்ளிட்ட மருத்துவர்கள் உடனிருந்தனர்.