பராமரிப்பு பணி: வைஷ்ணவ தேவி கத்ரா-கன்னியாகுமரி எக்ஸ்பிரஸ் ரயில் சேவையில் மாற்றம்!

பராமரிப்பு பணி காரணமாக வைஷ்ணவ தேவி கத்ரா-கன்னியாகுமரி எக்ஸ்பிரஸ் ரயில் சேவையில் மாற்றம் செய்யப்பட்டுள்ளது.

இதுகுறித்து தெற்கு ரயில்வே வெளியிட்டுள்ள செய்திக்குறிப்பில் "பராமரிப்பு பணி காரணமாக எக்ஸ்பிரஸ் ரயில் சேவையில் மாற்றம் செய்யப்பட்டுள்ளது. அதன்படி, ஸ்ரீ வைஷ்ணவ தேவி கத்ராவில் இருந்து கன்னியாகுமரி வரும் எக்ஸ்பிரஸ் ரயில் (வண்டி எண்-16318) அடுத்த மாதம் 23-ந் தேதி மற்றும் மார்ச் 2-ந் தேதியில் சகுர்பஸ்தி, பட்டேல் நகர், ஓக்லா வழியாக இயக்கப்படும். மேலும், இந்த ரயில் புதுடெல்லி, ஹஸ்ரத் நிஜாமுதீன் ரயில் நிலையத்தில் நிற்காது.

அதே போல, ஸ்ரீ வைஷ்ணவ தேவி கத்ராவில் இருந்து சென்னை சென்டிரல் வரும் எக்ஸ்பிரஸ் ரயில் (16032) வருகிற 24 மற்றும் அடுத்த மாதம் 28-ந் தேதியில் சகுர்பஸ்தி, பட்டேல் நகர், ஓக்லா வழியாக இயக்கப்படும். மேலும், இந்த ரயிலும் புதுடெல்லி, ஹஸ்ரத் நிஜாமுதீன் ரயில் நிலையத்தில் நிற்காது.என்று தெரிவிக்கப்பட்டுள்ளது.