திண்டுக்கல் – நாகர்கோவில் சிறப்பு ரயில் நாளை முதல் இயக்கம் : தென்னக ரயில்வே தகவல்

திண்டுக்கல் - நாகர்கோவில் இடையே  நாளை மே 5ந் தேதி திங்கள்கிழமை முதல் 31ந் தேதி வரை சிறப்பு ரயில் இயக்கப்படுகிறது.

இதுகுறித்து தென்னக ரயில்வே மதுரை கோட்ட ரயில்வே மேலாளர் அலுவலகம் வெளியிட்டுள்ள அறிவிப்பில் கூறப்பட்டுள்ளதாவது:- திண்டுக்கல் - நாகர்கோவில் இடையே மே 5-ஆம் தேதி முதல் மே 31-ஆம் தேதி வரை (புதன், வியாழன் தவிர) முன்பதிவில்லா சிறப்பு ரயில் வண்டி எண் 06322 இயக்கப்படுகிறது. திண்டுக்கல் ரயில் நிலையத்திலிருந்து பிற்பகல் 3.45 மணிக்குப் புறப் படும் இந்த ரயிலானது இரவு 9.05 மணிக்கு நாகர்கோவில் சென்றடைகிறது.

இந்த முன்பதிவில்லா சிறப்பு ரயிலானது அம்பாத்துரை, கொடை ரோடு, சோழவந்தான், மதுரை, திருப்பரங்குன்றம், திருமங்கலம், விருதுநகர், சாத்தூர், கோவில்பட்டி, கடம்பூர், வாஞ்சிமணியாச்சி, நாரைக்கிணறு, திருநெல்வேலி, நாங்குநேரி, வள்ளியூர் ஆகிய ரயில் நிலையங்களில் நின்று செல்லும்.

ரயில்வே பராமரிப்புப் பணி கள் காரணமாக, கோவை - நாகர் கோவில் ரயில் (16322) பகுதியாக ரத்து செய்யப்பட்டுள்ளதால் ஏற்படும் கூட்ட நெரிசலைச் சமாளிக்கும் வகையில் இந்த சிறப்பு ரயில் இயக்கப்படுவதாக தென்னக ரயில்வே அறிவித்துள்ளது.