ஓடும் பஸ்சில் மாணவியிடம் சில்மிஷம்; கண்டு கொள்ளாத டிரைவர், கண்டக்டர் மீது வழக்கு!

» செய்திகள் - விளையாட்டு » தமிழகம்

ஓடும் பஸ்சில் மாணவியிடம் சில்மிஷம்; கண்டு கொள்ளாத டிரைவர், கண்டக்டர் மீது வழக்கு!

திங்கள் 18, நவம்பர் 2024 3:08:19 PM (IST)

ஓடும் பஸ்சில் மருத்துவ மாணவியிடம் சில்மிஷத்தில் ஈடுபட்டதாக வாலிபர் கைது செய்யப்பட்டார். கண்டுகொள்ளாத டிரைவர், கண்டக்டர் மீது வழக்குப்பதிவு செய்யப்பட்டுள்ளது.

சேலம் கொண்டலாம்பட்டி பகுதியை சேர்ந்த 20 வயது மாணவி, ஈரோடு மாவட்டத்தில் தனியார் மருத்துவக்கல்லூரி ஒன்றில் முதலாம் ஆண்டு படித்து வருகிறார். கல்லூரி விடுமுறை என்பதால் பெற்றோரை பார்க்க தனியார் பஸ்சில் சேலத்துக்கு வந்து கொண்டிருந்தார்.

பஸ்சில் மாணவியின் அருகில் வாலிபர் ஒருவர் அமர்ந்து இருந்தார். அவர், மாணவியிடம் சில்மிஷத்தில் ஈடுபட்டதாக கூறப்படுகிறது. இதுதொடர்பாக மாணவி அந்த வாலிபரை கண்டித்துள்ளார். அப்படி இருந்தும் அந்த வாலிபர் தொடர்ந்து சில்மிஷம் செய்ததாக தெரிகிறது.

இது தொடா்பாக அந்த மாணவி, டிரைவர்-கண்டக்டரிடம் முறையிட்டார். மாணவியும், அந்த வாலிபரும் ஒரே இருக்கையில் இருந்ததால் அவர்கள் தெரிந்தவர்களாக இருக்கும் என டிரைவர், கண்டக்டர் கண்டுகொள்ளாமல் இருந்ததாக கூறப்படுகிறது. இதையடுத்து பஸ் சேலம் புதிய பஸ் நிலையம் வந்ததும், மாணவி பள்ளப்பட்டி போலீசில் புகார் அளித்தார். புகாரின் பேரில் போலீசார் விசாரணை நடத்தினர்.

விசாரணையில் மருத்துவ மாணவியிடம் சில்மிஷத்தில் ஈடுபட்டதாக ஈரோடு மாவட்டம் கோபிசெட்டிபாளையம் அருகே உள்ள கடுகம்பாளையத்தை சேர்ந்த பாலமுருகன் மகன் கோகுல்ராஜ் (வயது 29) என்பவரை போலீசார் கைது செய்தனர். மாணவிக்கு நேர்ந்த இந்த சம்பவத்தை கண்டுகொள்ளாமல் இருந்ததாக டிரைவர் செந்தில், கண்டக்டர் சரவணன் ஆகியோர் மீதும் வழக்குப்பதிவு செய்யப்பட்டுள்ளது குறிப்பிடத்தக்கது.

மக்கள் கருத்து

naan thaanNov 20, 2024 - 02:25:29 PM | Posted IP 162.1*****

பேருந்தில் ஓட்டுநர் நடத்துனர் வேலையுடன் மாமா வேலையும் சேர்த்து பார்த்த அந்த சில்லறைபய மகன்கள் இருவர் பெயர் விவரம் மற்றும் அந்த தனியார் பேருந்து நிறுவன பெயர் குறிப்பிட்டு இருந்தால் நன்றாக இருக்கும்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

ஓடும் பஸ்சில் மாணவியிடம் சில்மிஷம்; கண்டு கொள்ளாத டிரைவர், கண்டக்டர் மீது வழக்கு!

» செய்திகள் - விளையாட்டு » தமிழகம்