கடன் தொல்லையால் வாலிபர் தற்கொலை: தூத்துக்குடியில் பரிதாபம்!

தூத்துக்குயில் கடன் பிரச்சினை காரணமாக வாலிபர் ஒருவர் தூக்கிட்டுத் தற்கொலை செய்து கொண்ட சம்பவம் குறித்து போலீசார் விசாரணை நடத்தி வருகின்றனர்.

தூத்துக்குடி கிருஷ்ணராஜபுரம் 2-வது தெருவைச் சேர்ந்தவர் முத்துசாமி மகன் பாலமுருகன் (36). இவருக்கு பாலமுருகனுக்கு கடந்த சில நாட்களாக கடுமையான கடன் பிரச்சினை இருந்து வந்ததாகத் தெரிகிறது. இதனால் மன உளைச்சலில் இருந்த அவர், வீட்டில் யாரும் இல்லாத நேரத்தில் மாடியில் உள்ள அறையில் சீலிங் ஃபேனில் தூக்கிட்டுத் தற்கொலைக்கு முயன்றுள்ளார்.

சிறிது நேரம் கழித்து அறைக்கு வந்த அவரது மனைவி, பாலமுருகன் தூக்கில் தொங்குவதைக் கண்டு அதிர்ச்சியடைந்து கூச்சலிட்டார். உடனே அருகில் இருந்தவர்களின் உதவியுடன் அவரை மீட்டு, ஆட்டோ மூலம் தூத்துக்குடி அரசு மருத்துவமனைக்குக் கொண்டு சென்றனர். அங்கு அவரைப் பரிசோதித்த மருத்துவர்கள், பாலமுருகன் ஏற்கனவே இறந்துவிட்டதாகத் தெரிவித்தனர். இச்சம்பவம் குறித்து வடபாகம் காவல் நிலைய போலீஸார் வழக்குப் பதிவு செய்து விசாரணை நடத்தி வருகின்றனர்.