ஆர்.எஸ்.எஸ். நூற்றாண்டு தொடக்க விழா அணி வகுப்பு : திரளான தொண்டர்கள் பங்கேற்பு

» செய்திகள் - விளையாட்டு » மாவட்ட செய்தி (தூத்துக்குடி)

ஆர்.எஸ்.எஸ். நூற்றாண்டு தொடக்க விழா அணி வகுப்பு : திரளான தொண்டர்கள் பங்கேற்பு

திங்கள் 7, அக்டோபர் 2024 8:46:36 AM (IST)

திருச்செந்தூரில் ஆர்.எஸ்.எஸ். நூற்றாண்டு தொடக்க விழா மற்றும் விஜயதசமியை முன்னிட்டு நேற்று அணி வகுப்பு ஊர்வலம், பொதுக்கூட்டம் நடந்தது. இதில் தொண்டர்கள் சீருடையில் பங்கேற்றனர்.

ஆர்.எஸ்.எஸ். நூற்றாண்டு தொடக்க விழா மற்றும் விஜயதசமியை முன்னிட்டு நேற்று மாலையில் திருச்செந்தூர் மையிலப்பபுரம் தெருவில் இருந்து அணிவகுப்பு ஊர்வலம் தொடங்கியது. இந்த ஊர்வலத்திற்கு தூத்துக்குடி தெற்கு மாவட்ட தலைவர் ஓய்வு பெற்ற போலீஸ் ஐ.ஜி. மாசானமுத்து தலைமை தாங்கினார்.

இந்த ஊர்வலம் உள்மாட வீதி, பந்தல் மண்டபம், சன்னதி தெரு, பள்ளத்தெரு, சபாபதிபுரம் தெரு, புளியடித்தெரு, தாலுகா ஆபீஸ் ரோடு, நாடார் தெரு, சலவையாளர் தெரு, வெயிலுகந்தம்மன் கோவில் தெரு, ஜீவாநகர், பட்டர்குளம் தெரு வழியாக கல்யாணசுந்தரம் விநாயகர் கோவில் தெருவை சென்றடைந்தது. இந்த ஊர்வலத்தில் சுமார் 200 தொண்டர்கள் சீருடையில் பங்கேற்றனர்.

பின்னர் கல்யாணசுந்தரம் விநாயகர் கோவில் தெருவில் பொதுக்கூட்டம் நடந்தது. கூட்டத்திற்கு, நகர தலைவர் நாராயணன் தலைமை தாங்கினார். ராஷ்ட்ரிய சேவா பாரதி அகில பாரத பொறுப்பாளர் பத்மகுமார் ‘தற்கால சூழலில் ஹிந்துத்துவா' என்ற புத்தகத்தை வெளியிட்டு, சிறப்புரையாற்றினார்.

இந்த ஊர்வலம், பொதுக்கூட்டத்திற்கு தூத்துக்குடி தலைமையிடத்து கூடுதல் போலீஸ் கண்காணிப்பாளர் ஆறுமுகம் தலைமையில் துணை கண்காணிப்பாளர்கள் வசந்தராஜ் (திருச்செந்தூர்), ராமகிருஷ்ணன் (ஸ்ரீவைகுண்டம்) ஆகியோர் மேற்பார்வையில் 350 போலீசார் பாதுகாப்பு பணியில் ஈடுபடுத்தப்பட்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஆர்.எஸ்.எஸ். நூற்றாண்டு தொடக்க விழா அணி வகுப்பு : திரளான தொண்டர்கள் பங்கேற்பு

» செய்திகள் - விளையாட்டு » மாவட்ட செய்தி (தூத்துக்குடி)