பெண் எஸ்.ஐ., மீது வன்கொடுமை வழக்கு பதிவு

» செய்திகள் - விளையாட்டு » மாவட்ட செய்தி (தூத்துக்குடி)

பெண் எஸ்.ஐ., மீது வன்கொடுமை வழக்கு பதிவு

புதன் 8, மே 2024 8:42:02 AM (IST)

கோவில்பட்டியில் பெண் எஸ்.ஐ, மற்றும் பெண் போலீஸ்காரர் மீது வன்கொடுமை தடுப்பு சட்டத்தின் கீழ் வழக்கு பதிவு செய்யப்பட்டுள்ளது.

துாத்துக்குடி மாவட்டம், கோவில்பட்டி வழக்கறிஞர் முத்துசாமி டிச., 19ல் வழக்கு தொடர்பாக கோவில்பட்டி மேற்கு காவல் நிலையம் சென்றார். அப்போது, எஸ்.ஐ., ஆரோக்கிய ஜென்சி, போலீஸ்காரர் சரண்யா ஆகிய இருவரும் முத்துசாமியை அவதுாறாக பேசியுள்ளனர்.

இதுகுறித்து, கோவில்பட்டி மேற்கு காவல் நிலையத்தில் முத்துசாமி புகார் செய்தார். மேலும், எஸ்.ஐ., மற்றும் பெண் போலீஸ் மீது வன்கொடுமை தடுப்பு சட்டத்தின் கீழ் நடவடிக்கை எடுக்க துாத்துக்குடி நீதிமன்றத்தில் வழக்கு தொடர்ந்தார். வழக்கை விசாரித்த நீதிபதி இருவர் மீதும் வழக்குப் பதிவு செய்ய எஸ்.பி.,க்கு உத்தரவிட்டார்.

இதற்கிடையில், இந்த உத்தரவை ரத்து செய்யக்கோரி பெண் எஸ்.ஐ., ஆரோக்கிய ஜென்ஸி, காவலர் சரண்யா இருவரும் சென்னை உயர் நீதிமன்ற மதுரைக் கிளையில் மனுத்தாக்கல் செய்தனர். அதை விசாரித்த நீதிபதி, 'துாத்துக்குடி நீதிமன்றம் பிறப்பித்த உத்தரவை ரத்து செய்ய முடியாது' என, மனுவை நிராகரித்தார்.

இதையடுத்து, எஸ்.ஐ, ஆரோக்கிய ஜென்ஸி மற்றும் பெண் போலீஸ்காரர் சரண்யா ஆகிய இருவர் மீதும் வன்கொடுமை தடுப்பு சட்டத்தின் கீழ் கோவில்பட்டி மேற்கு காவல் நிலைய எஸ்.ஐ., ராமச்சந்திரன் வழக்கு பதிவு செய்துள்ளார்.

மக்கள் கருத்து

Poovaiya Rà®®à¯‡ 9, 2024 - 10:41:29 AM | Posted IP 162.1*****

மிகச்சரியான தீர்ப்பு... காவல் நிலையங்களில் அதிகாரிகளின் அட்டுழியங்களும் அதிக அளவில் நடக்கத்துவங்கியுள்ளது வெயித்தனைத்தான் பணி மீது எந்த அக்கறையும் இல்லாமல் சம்பளத்தை சுகப்போகமாகவும் கிம்பலத்தை ஆடம்பரமாகவும் பயன்படுத்துவோறுக்கு மக்கள் மரியாதை எங்கே தெரியும்..

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பெண் எஸ்.ஐ., மீது வன்கொடுமை வழக்கு பதிவு

» செய்திகள் - விளையாட்டு » மாவட்ட செய்தி (தூத்துக்குடி)