» செய்திகள் - விளையாட்டு » மாவட்ட செய்தி (தூத்துக்குடி)
இடப்பிரச்னையில் மோதல்: ஆசிரியர் உள்ளிட்ட 4பேர் மீது வழக்கு
புதன் 28, ஜூலை 2021 10:24:21 AM (IST)
சாத்தான்குளம் அருகே இடப்பிரச்னையில் ஏற்பட்ட மோதல் காரணமாக ஆசிரியர் உள்ளிட்ட 4பேர் மீது போலீசார் வழக்குபதிந்துள்ளனர்.
தூத்துக்குடி மாவட்டம், சாத்தான்குளம் அருகே உள்ள சவேரியார்புரத்தைச் சேர்ந்தவர் அற்புதகனகராஜ் (56). ஆசிரியரான இவர் பொதுபாதையை தனக்கு சொந்தமானது என அடைத்து வைத்ததாக கூறப்படுகிறது. இதற்கு ஊர் மக்கள் எதிர்ப்பு தெரிவித்துள்ளனர். இதேபோல் அதே ஊரைச் சேர்ந்த ஜெகன் (52) , அவரது மனைவி நிர்மலா (45) ஆகியோரும் எதிர்ப்பு தெரிவித்ததில் அவர்களுக்குள் பிரச்னை ஏற்பட்டுள்ளது.
இதில் இருத்தரப்பினரும் அவதூறாக பேசி கொலை மிரட்டல் விடுத்தாக கூறப்படுகிறது. இதுகுறித்து அற்புதகனகராஜ், நிர்மலா ஆகியோர் தனித்தனியாக சாத்தான்குளம் காவல் நிலையத்தில் புகார் செய்தனர். நிர்மலா புகாரின் பேரில் அற்புத கனகராஜ், அவரது மனைவி அமலஜோதிலிட்வின் ஆகியோர் மீதும், அற்புத கனகராஜ் புகாரின் பேரில் ஜெகன், அவரது மனைவி நிர்மலா ஆகியோர் மீதும் உதவி ஆய்வாளர் ஜாண்சன் வழக்குபதிந்து விசாரித்து வருகிறார்.