சுற்றுலா கப்பலில் ஹண்டா வைரஸ் பீதி: 3 பேர் அவசரமாக மருத்துவமனைக்கு மாற்றம்!

» செய்திகள் - விளையாட்டு » உலகம்

சுற்றுலா கப்பலில் ஹண்டா வைரஸ் பீதி: 3 பேர் அவசரமாக மருத்துவமனைக்கு மாற்றம்!

வியாழன் 7, மே 2026 4:55:52 PM (IST)

அட்லாண்டிக் கடல் பகுதியில் பயணித்து வரும் "எம்.வி. ஹோண்டியஷ்" (MV Hondius) என்ற சொகுசு சுற்றுலா கப்பலில் ஹண்டா வைரஸ் தொற்று பரவி வருவது உறுதி செய்யப்பட்டுள்ளது. இந்தத் தொற்றால் ஏற்கனவே 3 பேர் உயிரிழந்துள்ள நிலையில், மேலும் பலர் பாதிக்கப்பட்டுள்ளனர்.

தென் அமெரிக்காவின் அர்ஜென்டினாவில் இருந்து ஆப்பிரிக்காவின் கேப் வெர்டே நோக்கிச் சென்ற இந்த உல்லாச கப்பலில் இங்கிலாந்து, அமெரிக்கா, ஸ்பெயின் உள்ளிட்ட நாடுகளைச் சேர்ந்த 150 பயணிகள் உள்ளனர். ஏப்ரல் 11-ஆம் தேதி நெதர்லாந்தைச் சேர்ந்த ஒரு பயணி வைரஸ் பாதிப்பால் உயிரிழந்தார். அவரது உடல் ஏப்ரல் 24 வரை கப்பலிலேயே வைக்கப்பட்டிருந்தது.

டுத்த மூன்று நாட்களில், உயிரிழந்த அந்த நபரின் மனைவியும் அதே நோய் பாதிப்பால் உயிரிழந்தார். இவர்களைத் தொடர்ந்து இங்கிலாந்தைச் சேர்ந்த ஒரு பயணியும் இந்த நோய்க்குப் பலியாகியுள்ளார்.

உலக சுகாதார மையம் (WHO) வெளியிட்டுள்ள அறிக்கையின்படி, தற்போது 3 பயணிகள் தீவிர பாதிப்புடன் நெதர்லாந்து மருத்துவமனைக்கு அவசரமாக மாற்றப்பட்டுள்ளனர். மேலும் 5 பேருக்குத் தொற்று பாதிப்பு இருக்கலாம் என்ற சந்தேகத்தின் அடிப்படையில் அவர்கள் தனிமைப்படுத்தப்பட்டுள்ளனர்.

ஹண்டா வைரஸ் என்றால் என்ன?

இது எலிகள் மற்றும் கொறித்துண்ணிகள் மூலம் மனிதர்களுக்குப் பரவக்கூடிய ஒரு வகை நச்சுயிரித் தொற்றாகும். இந்த நோயால் பாதிக்கப்படுபவர்களில் 40 சதவீதம் பேர் உயிரிழக்க வாய்ப்புள்ளதாக மருத்துவ வல்லுநர்கள் எச்சரிக்கின்றனர்.

அறிகுறிகள்: காய்ச்சல், தசை வலி, சோர்வு மற்றும் சுவாசக் கோளாறுகள் இதன் முக்கிய அறிகுறிகளாகக் கருதப்படுகின்றன. தற்போது அட்லாண்டிக் கடலின் கேப் வெர்டே பகுதியில் நிறுத்தி வைக்கப்பட்டுள்ள இந்தக் கப்பலில் உள்ள மற்ற பயணிகளுக்கும் பரிசோதனைகள் தீவிரப்படுத்தப்பட்டுள்ளன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: