» செய்திகள் - விளையாட்டு » இந்தியா
ஒரு முறை அழுத்தினால் பாஜகவுக்கு 2 வாக்குகள் பதிவா? தேர்தல் ஆணையம் விளக்கம்
வியாழன் 18, ஏப்ரல் 2024 3:35:45 PM (IST)
மின்னணு வாக்குப்பதிவு இயந்திரங்களை முறைகேடாகப் பயன்படுத்த வாய்ப்பே இல்லை, ஒரு முறை அழுத்தினால், பாஜகவுக்கு இரண்டு வாக்குகள் விழுவதாக வெளியான செய்தியில் உண்மையில்லை என்று உச்ச நீதிமன்றத்தில் தேர்தல் ஆணையம் தெரிவித்துள்ளது.
காசர்கோட்டில் மாதிரி வாக்குப்பதிவின் போது மின்னணு வாக்குப்பதிவு இயந்திரத்தில் ஒரு முறை தாமரை சின்னத்தை அழுத்தினால் இரண்டு வாக்குகள் பதிவானதாக எதிர்க்கட்சியினர் புகார் அளித்துள்ளனர். காசர்கோடு மக்களவைத் தொகுதிக்கு பயன்படுத்தப்படும் வாக்குப் பதிவு இயந்திரங்கள் அரசியல் கட்சிகளின் பிரமுகர்களின் முன்னிலையில் நேற்று தேர்தல் நடத்தும் அதிகாரிகளால் மாதிரி வாக்குப்பதிவு நடத்தி காண்பிக்கப்பட்டது.
அப்போது, பாஜகவுக்கு ஒரு முறை வாக்களித்து பரிசோதித்த போதும், இரண்டு வாக்குகள் பதிவானதாகக் காண்பிக்கப்பட்டதாக அங்கிருந்த அரசியல் கட்சிகளின் பிரதிநிதிகள் குறிப்பிட்டனர். இந்தப் புகார் குறித்து உடனடியாக விசாரணை நடத்துமாறு உச்ச நீதிமன்றம் தேர்தல் ஆணையத்திடம் தெரிவித்திருந்தது.
இது குறித்து உச்ச நீதிமன்றத்தில் இன்று தேர்தல் ஆணையம் பதிலளித்துள்ளது. அதில், மின்னணு வாக்குப்பதிவு இயந்திரங்களை முறைகேடாகப் பயன்படுத்த வாய்ப்பே இல்லை என்று உச்ச நீதிமன்றத்தில் தேர்தல் ஆணையம் தெரிவித்துள்ளது.
அனைத்துப் பாதுகாப்பு அம்சங்களும் உறுதி செய்யப்பட்ட பிறகே வாக்குப்பதிவு இயந்திரங்கள் பயன்படுத்தப்படுகின்றன. தேர்தல் ஆணையத்தின் மீது எவ்வித பழியும் இல்லாமல் இருப்பதை உறுதி செய்ய வேண்டும். கேரள மாநிலம் காசர்கோட்டில் மாதிரி வாக்குப்பதிவின்போது, பாஜகவுக்கு கூடுதல் வாக்குகள் பதிவான செய்தியில் உண்மையில்லை. கூடுதல் வாக்குகள் பதிவானதாக வெளியான செய்தி முற்றிலும் தவறானது என்று உச்ச நீதிமனறத்தில் தேர்தல் ஆணையம் விளக்கம் அளித்துள்ளது.
வாக்குப் பதிவு இயந்திரத்தில் பதிவாகும் வாக்குகளுடன் விவிபேட் இயந்திரத்தில் விழும் வாக்குச்சீட்டுகளை எண்ணி சரிபார்க்கக் கோரிய வழக்கில் தேர்தல் ஆணையம் மேலும் பல்வேறு கருத்துகளை தெரிவித்துள்ளது.
மக்கள் கருத்து
மேலும் தொடரும் செய்திகள்
![](/npic_s/cee1f86a3b75f70e97b71ad01e821a80/tnpb/small/kargilwarmemoral_1721988998.jpg)
கார்கில் போர் 25வது ஆண்டு நினைவு தினம் : பிரதமர் மோடி அஞ்சலி!
வெள்ளி 26, ஜூலை 2024 3:45:09 PM (IST)
![](/npic_s/cee1f86a3b75f70e97b71ad01e821a80/tnpb/small/mullaiperiyaru123_1721973228.jpg)
முல்லைப்பெரியாற்றின் குறுக்கே புதிய அணை கட்டும் திட்டம் இல்லை: அமைச்சர் தகவல்!
வெள்ளி 26, ஜூலை 2024 11:22:45 AM (IST)
![](/npic_s/cee1f86a3b75f70e97b71ad01e821a80/tnpb/small/mamatha_1721909733.jpg)
பிரதமர் தலைமையில் நடைபெறும் நீதி ஆயோக் கூட்டத்தில் பங்கேற்பு: மம்தா உறுதி
வியாழன் 25, ஜூலை 2024 5:45:17 PM (IST)
![](/npic_s/cee1f86a3b75f70e97b71ad01e821a80/tnpb/small/ashwinivaishnav_1721823610.jpg)
தமிழக ரயில்வே திட்டங்களுக்கு ரூ.6,362 கோடி: அஸ்வினி வைஷ்ணவ் தகவல்
புதன் 24, ஜூலை 2024 5:49:51 PM (IST)
![](/npic_s/cee1f86a3b75f70e97b71ad01e821a80/tnpb/small/subramanyaswamynirmala_1721804967.jpg)
நிர்மலா சீதாராமனுக்கு ஆடவும், பாடவும் மட்டுமே தெரியும்: சு.சுவாமி விமர்சனம்!
புதன் 24, ஜூலை 2024 12:40:05 PM (IST)
![](/npic_s/cee1f86a3b75f70e97b71ad01e821a80/tnpb/small/nirmalakarge_1721802060.jpg)
மத்திய பட்ஜெட்டுக்கு எதிர்ப்பு: மக்களவையில் எதிர்க் கட்சியினர் அமளி!
புதன் 24, ஜூலை 2024 11:44:26 AM (IST)
![](/npic_s/cee1f86a3b75f70e97b71ad01e821a80/tnpb/small/31google-pixel_1721796555.jpg)