பழனியின் புனித நதியான சண்முகா நதியை மீட்டெடுத்துத் தூய்மைப்படுத்தும் பணிகள் நடைபெற்றன. கே. அண்ணாமலை கலந்துகொண்டு தூய்மைப்படுத்தப்பட்ட சண்முகா நதியைப் பொதுமக்கள் மற்றும் பக்தர்களின் பயன்பாட்டிற்கு அர்ப்பணித்தார்.
பழனியின் புனித நதியான சண்முகா நதியைப் பலத்த சிரமங்களுக்கு இடையே மீட்டெடுத்து, தூய்மைப்படுத்தும் பணிகளை 'வீ த லீடர்ஸ்' அமைப்பு தீவிரமாக மேற்கொண்டது. இத்தூய்மைப் பணிகள் முழுமையாக நிறைவடைந்ததை அடுத்து, நதியை மீண்டும் மக்கள் பயன்பாட்டிற்கு அர்ப்பணிக்கும் சிறப்பு அர்ப்பணிப்பு விழா நேற்று மாலை 5 மணியளவில் சண்முகா நதிக்கரையில் மிகவும் சிறப்பாக நடைபெற்றது.
பல நாட்களாகத் தொடர்ந்த இந்தப் பெருமுயற்சி மற்றும் தூய்மைப் பணிகளின் மூலம் நதியில் தேங்கியிருந்த குப்பைகள், பிளாஸ்டிக் கழிவுகள் மற்றும் மாசுகள் முழுமையாக அகற்றப்பட்டு, சண்முகா நதி தற்போது மீண்டும் புத்துயிர் பெற்றுள்ளது.
இதன் மூலம் இப்பகுதி பொதுமக்கள் மற்றும் பழனிக்கு வரும் பக்தர்களின் பயன்பாட்டிற்காக நதி முற்றிலும் தூய்மையான முறையில் மீட்டெடுக்கப்பட்டுள்ளது. இந்நிகழ்ச்சியில் 'வீ த லீடர்ஸ்' அமைப்பின் தலைவர் கே. அண்ணாமலை கலந்துகொண்டு நதியை மக்களுக்கு அதிகாரப்பூர்வமாக அர்ப்பணித்துச் சிறப்பித்தார்.