மதர் தெரசா பொறியியல் கல்லூரியில் ஆண்டு விழா

தூத்துக்குடி வாகைக்குளம் மதர் தெரசா பொறியியல் கல்லூரியில் ஆண்டு விழா நடைபெற்றது. 

தூத்துக்குடி வாகைக்குளம் மதர் தெரசா பொறியியல் கல்லூரியில் ஆண்டு விழா கல்லூரி நிறுவனர் கிளிட்டஸ் பாபு தலைமையில் நடைபெற்றது. சிறப்பு விருந்தினராக ஸ்கேட் கல்வி குழும துணைத் தலைவர் தாளாளர் அகஸ்டிஸ் பிரியதர்ஷினி  அருண் பாபு, தக்ஷின் கேட்வே டெர்மினல் தூத்துக்குடி தலைமை நிர்வாக அதிகாரி செந்தில்குமார் சுப்பிரமணியன் ஆகியோர் கலந்துகொண்டு மாணவர்களை வாழ்த்தி பேசினர். 

கல்லூரி இயக்குனர் ஜார்ஜ் கிளின்டன் வாழ்த்துரை வழங்கினார். கல்லூரி முதல்வர் ஜாஸ்பர் ஞானசந்திரன் ஆண்டறிக்கையும் மாணவர்களின் சாதனைகளையும் பட்டியலிட்டு பேசினார். கல்லூரியில் சிறப்பாக பணியாற்றிய அனைத்து துறை பேராசிரியர்களுக்கும் அனைத்து துறையில் சாதனை படைத்த மாணவர்களுக்கும் அரசு தேர்வுகளில் வெற்றி பெற்ற மாணவர்களுக்கும் பரிசு கோப்பைகள் பாராட்டு சான்றிதழ்கள் வழங்கப்பட்டன. 

விழாவில் விஜய் டிவி புகழ் குரேஷி சிறப்பு விருந்தினராக கலந்து கொண்டு கலை நிகழ்ச்சிகளை நடத்தினார். கல்லூரி மாணவ மாணவிகளின் கலக்கலான கலை நிகழ்ச்சிகள் பார்வையாளர்களை வெகுவாக கவர்ந்தது. விழாவில் பொது மேலாளர் கிருஷ்ணகுமார், மாணவர் சேர்க்கைக்கான இயக்குனர் ஜான் கென்னடி, வேலைவாய்ப்பு இயக்குனர் முகமது சாதிக், கல்லூரி இயக்குனர் ஜார்ஜ் கிளின்டன், பேராசிரியர்கள் மாணவ மாணவியரின் பெற்றோர்கள் உள்ளிட்ட ஏராளமானோர் கலந்து கொண்டனர். இந்நிகழ்ச்சிக்கான ஏற்பாடுகளை கல்லூரி பேராசிரியர்கள் மற்றும் நிர்வாக அலுவலர் விக்னேஷ் உள்ளிட்டோர் செய்திருந்தனர்