சக்தி வித்யாலயா பள்ளியில் கல்வி வளர்ச்சி நாள் விழா

தூத்துக்குடி சக்தி வித்யாலயா பள்ளியில் காமராஜரின் 120வது பிறந்தநாள் விழா கொண்டாடப்பட்டது.

தூத்துக்குடி 3வது மைல் சக்தி வித்யாலயா மெட்ரிக்குலேசன் பள்ளியில் காமராஜரின் 120வது பிறந்தநாள் விழா கல்வி வளர்ச்சி நாளாக பள்ளியின் முதல்வர் ஆ.ஜெயாசண்முகம் தலைமையில் நடைபெற்றது. மாணவ, மாணவிகள் காமராஜரின் திருவுருவப் படத்திற்கு மாலை அணிவித்து, மலர்கள் தூவி வாழ்த்து தெரிவித்தனர். 

அதன்பின் "காமராஜரின் எளிய வாழ்க்கை முறை” என்ற தலைப்பில் கட்டுரைப் போட்டியும், காமராஜரும் அரசியலும்” என்ற தலைப்பில் பேச்சுப் போட்டியும், கவிதைப் போட்டியும் நடைபெற்றது. நாடகம், பாடல்கள் என மாணவ, மாணவிகளின் கலை நிகழ்ச்சிகள் நடைபெற்றது. போட்டியில் வெற்றிப் பெற்ற மாணவர்களுக்கு பரிசுகள் வழங்கப்பட்டது. நிறைவாக  காமராஜரின் வாழ்க்கை வரலாறு பற்றிய திரைப்படம் மாணவ, மாணவிகளுக்கு காண்பிக்கப்பட்டது. இதற்கான ஏற்பாடுகளை ஆசிரியைகள் செய்திருந்தனர்.