» கல்வி / வேலை » கல்விச்செய்திகள் (தூத்துக்குடி)
பாரதியார் வித்யாலயத்தில் முன்னாள் மாணவர்கள் சந்திப்பு
ஞாயிறு 26, செப்டம்பர் 2021 9:27:06 PM (IST)
தூத்துக்குடி பாரதியார் வித்யாலயம் மேல்நிலைப்பள்ளியில் முன்னாள் மாணவர்கள் சந்திப்பு நடைபெற்றது.
பள்ளி நிர்வாகக்குழு உறுப்பினர் ஏபிசிவீ. கணபதி தலைமை தாங்கினார். தலைமை ஆசிரியர் தட்சிணாமூர்த்தி வரவேற்புரை ஆற்றினார். சிறப்பு விருந்தினர்கள் டாக்டர் ஹெச்.பிலிப், டாக்டர் வேல் ராமலிங்கம், டாக்டர் பத்மநாபன், தொழில் அதிபர் ராஜா குமார் ஆசிர்வாதம், ஆவுடையப்பன், மான் ராஜா, மணிராஜ் ஆகியோர் கலந்துகொண்டு முன்னாள் தலைமை ஆசிரியர்களின் புகைப்படங்களை திறந்து வைத்து பேசினார்கள்.
நிகழ்ச்சியில் முன்னாள் மாணவர் சங்கம் ஒன்று அமைப்பது என்றும் அதன் மூலம் பள்ளியின் ஆய்வகங்களை நவீனப்படுத்துவது, விளையாட்டு மைதானத்தை சீரமைப்பது, சுற்றுச்சுவரை வலுப்படுத்தி நுழைவு வாயில் அழகுப்படுத்துவது, மாணவர் சேர்க்கைக்கு உதவுவது போன்ற கருத்துக்கள் வலியுறுத்தப்பட்டன.
நிகழ்ச்சியில் பல்துறையைச் சேர்ந்த முன்னாள் மாணவர்கள் அழகுவேல், குமாரவேல், வாசு ராஜன், சிவகாமி நாதன், குபேந்திரராஜா, கந்தசாமி, சத்திய வேந்தன், பன்னீர் செல்வம்,துரைக்கனி, அண்ணாமலை, ஆறுமுகசாமி, சதீஸ்குமார், அர்ஜீனன், பாலசுப்ரமணியன், சந்தானம், வீரபத்ரன், ஜஹாங்கீர் மற்றும் பலர் கலந்துகொண்டனர்.பாலசுந்தர கணபதி நன்றி கூறினார்.