» செய்திகள் - விளையாட்டு » விளையாட்டு

ஹர்சல் படேல், சஹால் சிறப்பான பந்துவீச்சு : தென் ஆப்பிரிக்காவை வீழ்த்திய இந்திய அணி!

புதன் 15, ஜூன் 2022 10:33:07 AM (IST)



ஹர்சல் படேல், சஹால் ஆகியோரின் சிறப்பான பந்துவீச்சால் தென்னாப்பிரிக்கா அணிக்கு எதிரான 3வது டி20 போட்டியில் இந்திய அணி வெற்றி பெற்றது. 

இந்தியா -தென் ஆப்பிரிக்கா இடையேயான 3வது டி20 போட்டி நேற்று நடைபெற்றது. டாஸ் வென்ற தென்னாப்பிரிக்கா பந்துவீச்சை தேர்வு செய்தது. முதலில் பேட் செய்த இந்திய அணி 5 விக்கெட்டுகள் இழப்புக்கு 179 ரன்கள் குவித்தது. இந்திய அணியில் அதிகபட்சமாக ருதுராஜ் கெய்க்வாட் 57 ரன்களும், இஷான் கிஷன் 54 ரன்களும் சேர்த்தனர்.

180 ரன்கள் எடுத்தால் வெற்றி என்ற இலக்கை நோக்கி தென்னாப்பிரிக்க அணி களமிறங்கியது. அந்த அணியின் தொடக்க ஆட்டக்காரர்களாக டெம்பா பவுமா மற்றும் ஹென்ரிக்ஸ் களமிறங்கினர். கேப்டப்ன் டெம்பா பவுமா 8 ரன்களில் அக்சர் பட்டேல் வீசிய பந்தில் ஆட்டமிழந்தார். மற்றொரு தொடக்க ஆட்டக்காரரான ஹென்ரிக்ஸ் 23 ரன்களில் ஆட்டமிழந்தார். அதன் பின் களமிறங்கிய தென்னாப்பிரிக்க வீரர்களில் டுவெய்ன் பிரிடோரியஸ், கிளாசன், பர்னல் தவிர மற்ற வீரர்கள் வந்த வேகத்தில் நடையைக் கட்டினர். 

இதன்மூலம் தென்னாப்பிரிக்க அணி 19.1 ஓவர்களில் 131 ரன்களுக்கு அனைத்து விக்கெட்டுகளையும் இழந்தது. இந்திய அணி 48 ரன்கள் வித்தியாசத்தில் வெற்றி பெற்றது. இந்திய அணியின் சார்பில் ஹர்சல் படேல் 4 விக்கெட்டுகளையும், யுஸ்வேந்திர சஹால் 3 விக்கெட்டுகளையும், அக்சர் படேல் மற்றும் புவனேஷ்வர் குமார் தலா ஒரு விக்கெட்டினையும் கைப்பற்றினர். இந்த வெற்றியின் மூலம் இந்திய அணி டி20 தொடரைக் கைப்பற்றும் வாய்ப்பினை உயிர்ப்புடன் வைத்துள்ளது. 5 போட்டிகள் கொண்ட இந்த டி20 தொடரில் தற்போது தென்னாப்பிரிக்க அணி 2-1 என்ற கணக்கில் முன்னிலையில் உள்ளது குறிப்பிடத்தக்கது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads




Arputham Hospital







Thoothukudi Business Directory