» செய்திகள் - விளையாட்டு » விளையாட்டு

ஹாக்கி பைவ்ஸ் தொடர்: போலந்தை வீழ்த்தி சாம்பியன் பட்டம் வென்றது இந்தியா!

செவ்வாய் 7, ஜூன் 2022 10:44:18 AM (IST)



சுவிட்சர்லாந்தில் நடைபெற்ற ஹாக்கி பைவ்ஸ் சர்வதேச ஹாக்கித் தொடரில் இந்திய ஆடவர் அணி சாம்பியன் பட்டம் வென்றது.

சர்வதேச ஹாக்கி சம்மேளனம் ஒரு அணிக்கு 5 வீரர்களை கொண்ட ஹாக்கி பைவ்ஸ் தொடரை சுவிட்சர்லாந்தின் லாசன்னே நகரில் நடத்தியது. இதன் ஆடவர் பிரிவு இறுதிப் போட்டியில் நேற்று முன்தினம் இந்தியா - போலந்து அணிகள் மோதின. இதில் இந்திய அணி 6-4 என்ற கோல் கணக்கில் வெற்றி பெற்று சாம்பியன் பட்டம் வென்றது.இந்திய அணி சார்பில் 11 மற்றும் 19-வது நிமிடங்களில் பாபி சிங் தாமியும், முகமது ரஹீல் 13 மற்றும் 17-வது நிமிடங்களிலும் சஞ்ஜய் 8-வது நிமிடத்திலும், கேப்டன் குரிந்தர் சிங் 9-வது நிமிடத்திலும் கோல் அடித்து அசத்தினர். 

போலந்து அணி தரப்பில் மேட்யூஸ் நோகோவ்ஸ்கி (முதல் நிமிடம்), ராபர்ட் பாவ்லக் (5-வது நிமிடம்), வோஜ்சிக் ருட்கோவ்ஸ்கி (5-வது நிமிடம்), ஜசெக் குரோவ்ஸ்கி (18-வது நிமிடம்) ஆகியோர் தலா ஒரு கோல் அடித்தனர். இந்த ஆட்டத்தில் இந்திய அணி தொடக்கத்தில் 0-3 என பின்தங்கியிருந்தது. முதல் 5 நிமிடங்களிலேயே கடும் பின்னடைவை சந்தித்த போதிலும் அதன் பின்னர் ஆக்ரோஷமாக விளையாடி அடுத்தடுத்து கோல்களை அடித்து போலந்து அணிக்கு கடும் சவால் அளித்து சாம்பியன் பட்டம் வென்றது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Arputham Hospital









Thoothukudi Business Directory