» செய்திகள் - விளையாட்டு » விளையாட்டு
பெங்களூரு அணிக்காக 7 ஆயிரம் ரன்கள் : விராட் கோலி புதிய சாதனை
வெள்ளி 20, மே 2022 3:20:53 PM (IST)
ஐபிஎல் போட்டிகளில் பெங்களூரு அணிக்காக 7 ஆயிரம் ரன்கள் குவித்து விராட் கோலி புதிய சாதனை படைத்துள்ளார்.
ஐ.பி.எல் கிரிக்கெட்டின் 67-வது லீக் ஆட்டத்தில் பெங்களூரு ராயல் சேலஞ்சர்ஸ், குஜராத் டைட்டன்ஸ் அணிகள் மோதின. அடுத்த சுற்றுக்கான வாய்ப்பை தக்கவைத்துக்கொள்ள பெங்களூரு அணி இந்த ஆட்டத்தில் வெற்றி பெற வேண்டிய கட்டாயத்தில் விளையாடியது. இந்த போட்டியில் பெங்களூரு அணி 8 விக்கெட் வித்தியசத்தில் வெற்றி பெற்றது.
இதில் பெங்களூரு அணியின் முன்னாள் கேப்டன் விராட் கோலி 73 ரன்கள் அடித்து வெற்றிக்கு உதவினார். மேலும் இந்த போட்டியின் மூலம் பெங்களூரு அணிக்காக அவர் 7 ஆயிரம் ரன்களை கடந்துள்ளார். இதன் மூலம் ஒரே அணிக்காக 7 ஆயிரம் ரன்கள் எடுத்த முதல் வீரர் என்ற பெருமையை விராட் கோலி பெற்றார் .