ஒலிம்பிக்: அர்ஜென்டினாவை வீழ்த்தி இந்திய ஆக்கி அணிக்கு கால்இறுதிக்கு முன்னேற்றம்

டோக்கியோ ஒலிம்பிக்கில் இந்திய ஆக்கி அணி அர்ஜென்டினாவை வீழ்த்தி கால் இறுதிக்கு தகுதி பெற்றது.

8 முறை சாம்பியனான இந்திய அணி ஏ”பிரிவில் இடம் பெற்றுள்ளது. கடந்த ஒலிம்பிக்கில் தங்கம் பெற்ற அர்ஜென்டினா, ஆஸ்திரேலியா, போட்டியை நடத்தும் ஜப்பான், நியூசிலாந்து, ஸ்பெயின் ஆகிய அணிகளும் அந்த பிரிவில் உள்ளன."பி” பிரிவில் கடந்த முறை வெள்ளிப் பதக்கம் பெற்ற பெல்ஜியம், வெண்கலப் பதக்கம் வென்ற ஜெர்மனி, கனடா, இங்கிலாந்து, நெதர்லாந்து, தென் ஆப்பிரிக்கா ஆகிய நாடுகள் இடம்பெற்றுள்ளன.

ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் முடிவில் புள்ளிகள் அடிப்படையில் 2 பிரிவிலும் முதல் 4 இடங்களை பிடிக்கும் அணிகள் கால்இறுதிக்கு தகுதி பெறும். இந்திய அணி தொடக்க ஆட்டத்தில் நியூசிலாந்தை 3-2 என்ற கோல் கணக்கில் வீழ்த்தியது. 2-வது போட்டியில் ஆஸ்திரேலியாவிடம் 1-7 என்ற கோல் கணக்கில் மோசமாக தோற்றது. 3-வது ஆட்டத்தில் ஸ்பெயினை 3-0 என்ற கோல் கணக்கில் தோற்கடித்தது.

இந்திய அணி 4-வது ஆட்டத்தில் நடப்புச் சாம்பியன் அர்ஜென்டினாவை இன்று எதிர்கொண்டது.இதில் இந்தியா 3-1 என்ற கோல் கணக்கில் அபார வெற்றி பெற்றது. இந்திய அணிக்காக வருண்குமார் 43-வது நிமிடத்திலும், விவேக் சாகர் பிரசாத், 58-வது நிமிடத்திலும், ஹர்மன் பிளீசிங் 59-வது நிமிடத்திலும் கோல் அடித்தனர். முதல் பகுதி ஆட்டத்தில் கோல் எதுவும் விழவில்லை. ஆட்டத்தின் கடைசி 2 நிமிடங்களில் இந்தியா 2- கோல் அடித்து முத்திரை பதித்தது.

அர்ஜென்டினா அணிக்காக கேசிலா 48-வது நிமிடத்தில் கோல் அடித்தார். இந்த பதில் கோலால் 1-1 என்ற சமநிலை நீண்ட நேரமாக இருந்தது.கடைசி நிமிட கோல்களால்தான் வெற்றி கிடைத்தது. இந்திய அணி பெற்ற 3-வது வெற்றியாகும். இதன் மூலம் கால் இறுதிக்கு தகுதி பெற்றது. 4 ஆட்டத்தில் 3 வெற்றி, 1 தோல்வியுடன் 9 புள்ளிகள் பெற்றுள்ளது. இந்த பிரிவில் ஆஸ்திரேலியாவும் 4 வெற்றிகளுடன் 12 புள்ளிகள் பெற்று கால் இறுதிக்கு தகுதி பெற்றது. இந்திய அணி கடைசி இறுதி ஆட்டத்தில் ஜப்பானை நாளை எதிர்கொள்கிறது.