» செய்திகள் - விளையாட்டு » விளையாட்டு

இங்கிலாந்து வீரர்களுக்கு கரோனா பாதிப்பு: பென் ஸ்டோக்ஸ் தலைமையில் புதிய அணி அறிவிப்பு!

செவ்வாய் 6, ஜூலை 2021 5:25:35 PM (IST)



இங்கிலாந்து வீரர்களுக்கு கரோனா உறுதி செய்யப்பட்டதால், பாகிஸ்தானுக்கு எதிரான ஒருநாள், டி20 தொடரில் பென் ஸ்டோக்ஸ் தலைமையில் 9 அறிமுக வீரர்களுடன் புதிய அணியை இங்கிலாந்து கிரிக்கெட் வாரியம் அறிவித்துள்ளது.

இங்கிலாந்து சென்றுள்ள பாகிஸ்தான் அணி 3 ஒருநாள் மற்றும் டி20 தொடரில் விளையாட உள்ளது. வியாழக்கிழமை தொடங்கும் இந்தத் தொடர் ஜூலை 13-ம் தேதி முடிகிறது. இந்தச் சூழலில் இங்கிலாந்து வீரர்களுக்கு நடத்தப்பட்ட கரோனா பரிசோதனையில் 3 வீரர்களுக்குத் தொற்று இருப்பது உறுதி செய்யப்பட்டது. அணியில் உள்ள உதவியாளர்கள், ஊழியர்கள் 4 பேருக்கும் தொற்று இருந்தது கண்டறியப்பட்டது. இதையடுத்து, ஒருநாள் அணியில் இருந்த அனைத்து வீரர்களும் தங்களைத் தனிமைப்படுத்திக் கொள்ள அறிவுறுத்தப்பட்டது.

ஆல்ரவுண்டர் பென் ஸ்டோக்ஸுக்கு கை விரலில் ஏற்பட்ட காயம் குணமடைந்து அணிக்குத் திரும்பியுள்ளார். இதையடுத்து, இளம் வீரர்கள், கவுண்ட்டி வீரர்களை வைத்துப் புதிய அணியை இன்று அவசரமாக இங்கிலாந்து கிரிக்கெட் வாரியம் அறிவித்துள்ளது. பென் ஸ்டோக்ஸ் தலைமையிலான இந்த அணியில் 9 வீரர்கள் இங்கிலாந்து அணியில் அறிமுகமாகின்றனர். மொத்தம் 18 வீரர்கள் கொண்ட அணி அறிவிக்கப்பட்டுள்ளது.

இங்கிலாந்து அணி விவரம்: பென் ஸ்டோக்ஸ் (கேப்டன்), ஜேக் பால், டேனி பிரிக்ஸ், பிரிடன் கார்ஸ், ஜாக் கிராளி, பென் டக்கெட், லூயிஸ் கிரிகோரி, டாம் ஹெல்ம், வில் ஜேக்ஸ், டேன் லாரன்ஸ், சக்யுப் முகமது, டேவிட் மலான், கிரெய்க் ஓவர்டன், மாட் பார்கின்ஸன், டேவின் பெய்ன், பில் சால்ட், ஜான் சிம்ப்ஸன், ஜேம்ஸ் வின்ஸ்.

இங்கிலாந்து கிரிக்கெட் வாரியத்தின் இயக்குநர் ஆஷ்லே கைல்ஸ் கூறுகையில், "மிகப்பெரிய தளத்தில் விளையாடுவதற்கு இளம் வீரர்களுக்குக் கிடைத்த நல்ல வாய்ப்பு. கடந்த 24 மணி நேரத்துக்குள் பெரும்பாலான வீரர்கள் தேர்ந்தெடுக்கப்பட்டுள்ளனர். இளம் வீரர்கள், உள்நாட்டளவில் சிறப்பாகச் செயல்பட்ட வீரர்களைத் தேர்ந்தெடுத்துள்ளோம். பென் ஸ்டோக்ஸ் இதுவரை இங்கிலாந்துக்கு கேப்டனாக இருந்தது இல்லை. அவருக்கும் இது புது அனுபவமாக இருக்கும்” எனத் தெரிவித்தார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

ஐபிஎல் 2022 தொடரில் 2 புதிய அணிகள் சேர்ப்பு

செவ்வாய் 26, அக்டோபர் 2021 10:54:16 AM (IST)

Sponsored Ads




Black Forest Cakes



Nalam Pasumaiyagam



Thoothukudi Business Directory