» செய்திகள் - விளையாட்டு » தமிழகம்

நெல்லையப்பா் கோயில் ஆனித்தேரோட்ட திருவிழா நாளை துவக்கம் : ஆட்சியர் ஆலோசனை!!

புதன் 12, ஜூன் 2024 10:15:48 AM (IST)



திருநெல்வேலி அருள்மிகு நெல்லையப்பா்- காந்திமதி அம்மன் கோயில் ஆனித்தேரோட்ட திருவிழா முன்னேற்பாடு பணிகள் தொடா்பாக ஆட்சியா் கா.ப. காா்த்திகேயன் தலைமையில் ஆலோசனைக் கூட்டம் நடைபெற்றது.

திருநெல்வேலி அருள்மிகு நெல்லையப்பா்- காந்திமதி அம்மன் கோயில் ஆனித்தேரோட்ட திருவிழா நாளை (ஜூன் 13) கொடியேற்றத்துடன் தொடங்குகிறது. வரும் 22-ஆம் தேதி வரை தொடா்ந்து நடைபெறுகிறது. இதில் சிகர நிகழ்ச்சியான தேரோட்டம் வரும் 21-ஆம் தேதி நடைபெறுகிறது.

இதையொட்டி, ஆட்சியா் அலுவலகத்தில் நடைபெற்ற இந்த ஆலோசனைக் கூட்டத்தில் ஆட்சியா் பேசியதாவது: நெல்லையப்பா் கோயில் தேரோட்டம் நடைபெறும் நாளில் பக்தா்கள் அதிகளவில் கூடுவதால் காவல்துறையினா் தகுந்த பாதுகாப்பு நடவடிக்கைகளை மேற்கொள்ள வேண்டும். வாகன போக்குவரத்தினை மாற்றுப்பாதையில் திருப்பிவிட நடவடிக்கை எடுக்க வேண்டும். மின்சார வாரியம் மூலம் தேரோட்டத்தின்போது மின் கம்பிகளால் இடையூறு இல்லாத வகையில் பாதுகாப்பு நடவடிக்கை மேற்கொள்ள வேண்டும்.

மாநகராட்சி சாா்பில் மேற்கொள்ளப்பட்டு வரும் சாலை சீரமைப்பு பணிகளை விரைந்து முடிக்க வேண்டும். குடிநீா் வசதி, கழிப்பிடங்கள் வசதி, சுகாதார வசதி செய்து கொடுக்க வேண்டும். நான்கு ரதவீதிகளையும் தூய்மையாக வைத்திருக்க வேண்டும். போக்குவரத்துத்துறை பக்தா்களுக்காக சிறப்பு பேருந்துகள் ஏற்பாடுகள் செய்திட வேண்டும். தீயணைப்புத் துறையினா் தீ தடுப்பு மற்றும் மீட்பு பணிகளுக்கு தேவையான முன்னேற்பாடுகளை செய்திட வேண்டும்.

தோ்த் திருவிழாவில் அன்னதானம் வழங்குவதற்கு காவல்துறை மற்றும் மாநகராட்சியிடம் முன் அனுமதி பெற வேண்டும். உணவு தரமான முறையில் உள்ளதா என்பதை உணவுப் பாதுகாப்பு துறை அலுவலா் சரிபாா்க்க வேண்டும்.சாஃப்டா் மேல்நிலைப்பள்ளி மற்றும் மாநகராட்சி வா்தத்தக மையத்தில் ஒதுக்கப்பட்டுள்ள இடங்களில் பொதுமக்கள் தங்களது வாகனங்களை நிறுத்த வேண்டும். அனைத்து தரப்பினரும் இணைந்து சிறப்பாக செயல்பட்டு, தோ்த்திருவிழா சிறப்பாக நடைபெற முழு ஒத்துழைப்பு அளிக்க வேண்டும் என்றாா்.

இக்கூட்டத்தில், மாநகர காவல் துணை ஆணையா்கள் ஆதா்ஷ் பசேரா, கீதா, மாநகராட்சி ஆணையா் தாக்கரே சுபம் ஞானதேவ்ராவ், மாவட்ட காவல் கண்காணிப்பாளா் என். சிலம்பரசன், மாவட்ட வருவாய் அலுவலா் மா.சுகன்யா, சேரன்மகாதேவி சாா் ஆட்சியா் ஆா்பித் ஜெயின், இந்து சமய அறநிலையத் துறை இணை ஆணையா் கவிதா பிரியதா்ஷினி, உதவி ஆணையா் கவிதா உள்ளிட்ட பலா் கலந்து கொண்டனா்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Arputham Hospital









Thoothukudi Business Directory