பயங்கரவாதிகள் தாக்குதலில் வீரமரணம்: தமிழக வீரர் குடும்பத்திற்கு ரூ.20 லட்சம் நிதியுதவி

காஷ்மீரில் பயங்கரவாதிகள் நடத்திய தாக்குதலில் வீரமரணம் அடைந்த தமிழக ராணுவ வீரர் குடும்பத்திற்கு ரூ.20 லட்சம் நிதியுதவி வழங்கப்படும் என முதல்வர் ஸ்டாலின் அறிவித்து உள்ளார். 

இது குறித்து முதல்வர் வெளியிட்டுள்ள அறிக்கையில் தெரிவித்து இருப்பதாவது: ஜம்முகாஷ்மீர் மாநிலத்தில் பயங்கரவாதிகள் நடத்திய தாக்குதலில் வீரமரணம் அடைந்த ராணுவ வீரர் லட்சுமணனின் வீரமரணம் செய்தி கேட்டு வேதனையுற்றேன். அவருடன் வீரமரணம் அடைந்த 3 ராணுவ வீரர்களுக்கும் அஞ்சலி மற்றும் வீரவணக்கத்தை சமர்ப்பிக்கின்றேன். மேலும் தமிழக வீரர் லட்சுமணன் குடும்பத்திற்கு ரூ.20 லட்சம் நிதியுதவி வழங்கப்படும் என முதல்வர் தெரிவித்து உள்ளார்.