» செய்திகள் - விளையாட்டு » தமிழகம்
நவம்பர் முதல் மூன்று ரயில்களில் முன்பதிவு செய்யப்படாத இருக்கை வசதி பெட்டிகள்
திங்கள் 25, அக்டோபர் 2021 8:18:35 PM (IST)
நவம்பர் முதல் மூன்று ரயில்களில் முன்பதிவு செய்யப்படாத இருக்கை வசதி பெட்டிகள் ஏற்பாடுகள் செய்யப்பட்டுள்ளது.
இது தொடர்பாக தெற்குரயில்வே வெளியிட்ட செய்திக்குறிப்பு : சிறப்பு ரயில்களில் இருக்கை வசதி பெட்டி களுக்கும் முன்பதிவு செய்வது அவசியமாக இருந்து வந்தது. தற்போது இந்த நடைமுறை மாற்றப்பட்டு நவம்பர் 1 முதல் வண்டி எண் 02628/02627 திருவனந்தபுரம் - திருச்சி - திருவனந்தபுரம் சிறப்பு ரயில்கள் மற்றும் வண்டி எண் 06850/06849 ராமேஸ்வரம் - திருச்சி - ராமேஸ்வரம் சிறப்பு ரயில்கள் ஆகியவற்றிலுள்ள நான்கு இரண்டாம் வகுப்பு இருக்கை வசதி பெட்டிகளில் முன்பதிவு செய்யப்படாத பயணச்சீட்டுகள் எடுத்து பயணம் செய்யும் படி ஏற்பாடு செய்யப்பட்டுள்ளது.
இதேபோல நவம்பர் 10 முதல் வண்டி எண் 06321/06322 நாகர்கோவில் - கோயம்புத்தூர் - நாகர்கோவில் பகல் நேர சிறப்பு ரயில்களில் உள்ள நான்கு இரண்டாம் வகுப்பு இருக்கை வசதி பெட்டிகளில் முன்பதிவு செய்யப்படாத பயணச் சீட்டுகள் எடுத்து பயணம் செய்யலாம்.