கட்டாரிமங்கலம் சிவன் கோயிலில் அன்னாபிஷேகம்

» செய்திகள் - விளையாட்டு » மாவட்ட செய்தி (தூத்துக்குடி)

கட்டாரிமங்கலம் சிவன் கோயிலில் அன்னாபிஷேகம்

புதன் 5, நவம்பர் 2025 9:10:12 PM (IST)

ஐப்பசி மாத பௌர்ணமியை முன்னிட்டு கட்டாரிமங்கலம் அருள்மிகு ஸ்ரீ அழகிய கூத்தர் கோயிலில் அன்னாபிஷேகம் நடைபெற்றது.

தூத்துக்குடி மாவட்டம், சாத்தான்குளம் வட்டம் கட்டாரிமங்கலம் நடராஜரின் பஞ்ச விக்ரஹ ஸ்தலமாக விளங்கும் அருள்தரும் ஸ்ரீ சிவகாமி அம்பாள் சமேத அருள்மிகு ஸ்ரீ அழகியகூத்தர் திருக்கோயிலில் ஐப்பசி மாத பௌர்ணமி சிறப்பு பூஜை இன்று நடைபெற்றது. இதனை முன்னிட்டு காலை 9 மணி முதல் ஸ்ரீஅழகியகூத்தர் அருட்பணி மன்றத்தினரின் திருவாசகம் முற்றோதல் நடைபெற்றது.

தொடர்ந்து பல்வேறு யாகசாலை பூஜை,பகல் 11 மணிக்கு சுவாமிக்கு அன்னாபிஷேகம் உள்ளிட்ட பல்வேறு அபிஷேகம் பூஜைகள் நடைபெற்றது. பகல் 12.00 மணிக்கு சிறப்பு பூஜை, தீபாராதனை. நடைபெற்றது. அதனைத் தொடர்ந்து அன்னதானம் நடைபெற்றது. இதில் திரளான பக்தர்கள் கலந்து கொண்டனர். பூஜைக்கான ஏற்பாடுகளை கோயில் செயல் அலுவலர் மற்றும் அறங்காவலர் குழு நிர்வாகிகள் மற்றும் பக்தர்கள் செய்திருந்தனர்.

இதேபோல் சாத்தான்குளம் அருகே உள்ள வைரவம் அருள்தரும் ஸ்ரீ ஞானாதீஸ்வரர் சமேத ஸ்ரீசிவசாமி அம்மாள் கோயிலில் ஐப்படி பெளர்ணமியை முன்னிட்டு அன்னா அபிஷேகம் உள்ளிட்ட பல்வேறு பூஜைகள் நடைபெற்றது. சாத்தான்குளம் அருள்மிகு ஸ்ரீ காசி விசுவநாதர் சமேத ஸ்ரீ விசாலாட்சி அம்மன் கோயிலில் ஐப்பசி பௌர்ணமியை முன்னிட்டு அன்ன அபிஷேகம் உள்ளிட்ட சிறப்பு பூஜைகள் நடைபெற்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: