பெண் பாலியல் பலாத்காரம் செய்த ரவுடி கைது : மாதர் சங்கம் சார்பில் ஆர்ப்பாட்டம்!

தூத்துக்குடி மாவட்டம்,  ஏரல் அருகேயுள்ள ஆறுமுகமங்கலத்தைச் சேர்ந்தவர் முருகன் (42). இவர் மீது மாமனாரை கொன்ற வழக்கு உள்பட பல்வேறு வழக்குகள் நிலுவையில் உள்ளன. இவர் தற்போது, புதுக்கோட்டை அருகே உள்ள தெய்வச்செயல்புரம் பகுதியில் வசிக்கிறார்.

இந்த நிலையில், நேற்று அங்குள்ள காட்டுப்பகுதியில் கூலி வேலை செய்து கொண்டிருந்த பெண்ணை மிரட்டி பாலியல் பலாத்காரம் செய்ய முயன்றாராம். அந்தப் பெண் கூச்சலிடவே, அந்தப் பகுதியில் வேலை செய்து கொண்டிருந்த தொழிலாளர்கள் விரைந்து வந்து அந்தப் பெண்ணை மீட்டு, ரௌடி முருகனை பிடித்து காவல் துறையினரிடம் ஒப்படைத்தனர். இதுகுறித்து, புதுக்கோட்டை அனைத்து மகளிர் போலீசார் வழக்குப் பதிந்து, முருகனை கைது செய்து சிறையிலடைத்தனர்.