இளைஞரிடம் செயின் பறிக்க முயன்ற 3பேர் கைது : போலீசாருக்கு எஸ்பி பாராட்டு

» செய்திகள் - விளையாட்டு » மாவட்ட செய்தி (தூத்துக்குடி)

இளைஞரிடம் செயின் பறிக்க முயன்ற 3பேர் கைது : போலீசாருக்கு எஸ்பி பாராட்டு

திங்கள் 3, நவம்பர் 2025 4:30:12 PM (IST)

தூத்துக்குடியில் இளைஞரிடம் செயின் பறிக்க முயன்ற 3பேரை போலீசார் கைது செய்தனர்.

தூத்துக்குடி நேதாஜிநகர் பகுதியில் நேற்று மாலை இளைஞர் ஒருவர் வந்து கொண்டிருந்தபோது அங்கு ஒரு இருசக்கர வாகனத்தில் வந்த மூன்று மர்மநபர்கள் மேற்படி இளைஞரை நிறுத்தி அவரிடம் பேசுவது போல அவர் அணிந்திருந்த தங்கசெயினை பறிக்க முயற்சித்துள்ளனர். இதனை சுதாரித்துக் கொண்ட அந்த இளைஞரிடம் இருந்து செல்போனை பறித்துச் சென்று தப்பி ஓடி உள்ளனர்‌.

இதுகுறித்து தகவலறிந்த சிப்காட் காவல் நிலைய சார்பு ஆய்வாளர்கள் ரத்தினவேல் பாண்டியன் மற்றும் சண்முகசுந்தரம் தலைமையிலான சிப்காட் காவல் நிலைய போலீசார் உடனடியாக சம்பவம் நடைபெற்ற பகுதிக்கு வந்து தேடுதல் பணியில் ஈடுபட்ட போது மீளவிட்டான் காட்டுப்பகுதிக்குள் சந்தேகத்திற்கிடமாக மூன்று பேர் ஓடுவதை பார்த்து மேற்படி போலீசார் அவர்களை மடக்கி பிடித்து விசாரணை செய்தனர்.

அதில் அவர்கள் தூத்துக்குடி மீளவிட்டான் பகுதியைச் சேர்ந்தவர்களான ஜெகநாதன் மகன் ஜெயஆனந்த் (21), முருகேசன் மகன் ஜான்சன் (24) மற்றும் கிருஷ்ணராஜபுரம் பகுதியைச் சேர்ந்த சோனிராஜா மகன் சண்முகவேல் (19) ஆகியோர் என்பதும் அந்த இளைஞரிடம் செல்போனை பறித்துச் சென்றதும் தெரியவந்தது.

உடனடியாக காவல்துறையினர் மூன்று பேரையும் கைது செய்து அவர்களிடமிருந்து செல்போனையும் பறிமுதல் செய்தனர். மேற்படி சம்பவ இடத்திற்கு விரைந்து சென்று வழிப்பறியில் ஈடுபட்டவர்களை துரத்தி பிடித்து கைது செய்து சிறப்பாக பணிபுரிந்த சிப்காட் காவல் நிலைய போலீசாருக்கு மாவட்ட காவல் கண்காணிப்பாளர் ஆல்பர்ட் ஜான் இன்று நற்பணிசான்றிதழ் வழங்கி பாராட்டினார்.

மக்கள் கருத்து

SivaNov 5, 2025 - 11:00:53 AM | Posted IP 172.7*****

Police patrol vehicle goes on the main road of BMC school, but inside streets hope area people must be vigilant with CCTV monitoring.

SivaNov 5, 2025 - 11:00:48 AM | Posted IP 162.1*****

Police patrol vehicle goes on the main road of BMC school, but inside streets hope area people must be vigilant with CCTV monitoring.

GRACYNov 4, 2025 - 01:50:12 PM | Posted IP 162.1*****

CONGRATS PLS TAKE STEP - NEAR BMC TAMIL MEDIUM SCHOOL GIRLS ARE MET BOY FRIENDS IN PUBLIC AREA WITH FOUR TO FIVE MEMBERS, THIS IS UNDESCEND ACTING. PLS TAKE ACTION IN PAULPANDINAGAR 3, 4 , 5 STREET 4.30 PM TO 6.00PM

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: