பெண் தொழில் முனைவோர் கலந்தாய்வுக் கூட்டம்

கோவில்பட்டியில் பெண் தொழில் முனைவர்களின் வெற்றி கலந்தாய்வு கூட்டம்  மந்தித்தோப்பு ரோடு தங்கம் மஹாலில் நடந்தது.

கோவில்பட்டியில் ஹேண்ட் இன் ஹேண்ட் இந்தியா, சர்வம் பைனான்சியல் இன்க்லூசன் டிரஸ்ட் சார்பில் பெண் தொழில் முனைவர்களின் வெற்றி கலந்தாய்வு கூட்டம் நிறுவனத்தின் எக்ஸிக்யூடிவ் சேர் பெர்சன் கல்பனா சங்கர், ஆலோசனையின் பேரில் முதன்மை பொது மேலாளர் ஜோசப் ராஜ், உதவி பொது மேலாளர் பன்னீர்செல்வம் ஆகியோர் வழிகாட்டுதலின்படி நடந்தது. கூட்டத்திற்கு முதன்மை பொது மேலாளர்ஜோசப்ராஜ் தலைமை வகித்தார். 

உதவி பொது மேலாளர் பன்னீர்செல்வம் வரவேற்றார். வாழ்ந்து காட்டுவோம் திட்ட மாவட்ட செயல் அலுவலர் தாமோதரன், பெல்ஸ்டார் மைக்ரோ பைனான்ஸ் நிறுவன மண்டல மேலாளர் முத்துமலை ஆகியோர் கலந்து கொண்டு பெண் தொழில் முனைவோர் கடன் பெறும் வசதிகள் பற்றியும், வக்கில் ஜெயஸ்ரீ பெண் உரிமைகள், அதிகாரம் குழந்தை வளர்ப்பு முறைகள் குடும்ப வன்முறை பற்றியும், வழக்கறிஞர் சௌந்தர்யா பெண் பாதுகாப்பு, சைபர் கிரைம், மொபைல் போன் முறையாக பயன்படுத்தல் இலவச சட்ட உதவிகள் முகாம் பற்றியும் பேசினர்.