தூத்துக்குடி திருவிக நகர் பகுதியில் மேயர் ஆய்வு

தூத்துக்குடி திருவிக நகர் பகுதியில் நடைபெற்று வரும் மழைநீர் வெளியேற்றும் நடவடிக்கைகளை மேயர் ஜெகன் பெரியசாமி பார்வையிட்டு ஆய்வு செய்தார்.

தூத்துக்குடி மாநகராட்சி பகுதிகளில் சில தினங்களுக்கு முன் பெய்த கனமழை காரணமாக ஆங்காங்கே மழைநீர் தேங்கி உள்ளது. இதனை வெளியேற்றும் பணிகள் மாநகராட்சி சார்பில் நடந்து வருகிறது. இந்நிலையில் தூத்துக்குடி மாநகராட்சிக்குட்பட்ட திருவிக நகர் பகுதியில் நடைபெற்று வரும் மழைநீர் வெளியேற்றும் நடவடிக்கைகளை மேயர் ஜெகன் பெரியசாமி பார்வையிட்டு ஆய்வு செய்தார்.

அப்பொழுது அந்த பகுதியைச் சேர்ந்த பொதுமக்கள் சில கோரிக்கைகளை முன் வைத்தார்கள். அவைகளையும் வருங்காலங்களில் நிறைவேற்றி தருகிறேன் என்று மேயர் தெரிவித்தார். ஆய்வின் போது, மாநகராட்சி ஆணையர் மதுபாலன், வட்ட செயலாளரும் முன்னாள் மாமன்ற உறுப்பினருமான ரவீந்திரன், பகுதி செயலாளரும் மாமன்ற உறுப்பினருமான சுரேஷ் குமார், வட்ட செயலாளர் செல்வராஜ், பகுதி பிரதிநிதி ஜய்யப்பன், மாநகராட்சி அதிகாரிகள் மற்றும் துறை சார்ந்த அலுவலர்கள் உடன் சென்றனர்.