தூத்துக்குடி வ.உ.சி. துறைமுகம் புதிய சாதனை!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி வ.உ.சி. துறைமுகம் புதிய சாதனை!

புதன் 20, நவம்பர் 2024 8:23:45 AM (IST)

ஒரே நாளில் 29 ஆயிரத்து 212 மெட்ரிக் டன் நிலக்கரி கையாண்டு தூத்துக்குடி வ.உ.சி. துறைமுகம் புதிய சாதனை படைத்து உள்ளது.

தூத்துக்குடி வ.உ.சி. துறைமுகத்துக்கு பல்வேறு நாடுகளில் இருந்து நிலக்கரி உள்ளிட்ட பல்வேறு பொருட்கள் இறக்குமதி செய்யப்படுகின்றன. அதேபோன்று பல்வேறு நாடுகளுக்கு சரக்குகள் ஏற்றுமதி செய்யப்பட்டு வருகின்றன. இந்த நிலையில் அகர்வால் கோல் கார்ப்பரேசன் பிரைவேட் லிமிடெட் நிறுவனம் மூலம் நிலக்கரி இறக்குமதி செய்யப்பட்டது.

இந்த நிலக்கரி எம்.வி.சோழா செரினிட்டி என்ற கப்பல் மூலம் தூத்துக்குடி வ.உ.சி. துறைமுகம் 4-வது கப்பல் தளத்துக்கு வந்து சேர்ந்தது. இந்த கப்பலில் இருந்து டெல்டா இன்ப்ரா லாஜிஸ்டிக்ஸ் (வேல்டுவைட்) லிமிடெட் நிறுவனம் மூலம் நிலக்கரி இறக்கி கையாளும் பணி மேற்கொள்ளப்பட்டது.

இந்நிலையில் ஒரே நாளில் 29 ஆயிரத்து 212 மெட்ரிக் டன் நிலக்கரி கையாண்டு துறைமுகம் புதிய சாதனையை படைத்துள்ளது. இதனால் இதற்கு முன்பு ஒரே நாளில் 25 ஆயிரத்து 900 டன் நிலக்கரி கையாண்ட சாதனை முறியடிக்கப்பட்டுள்ளது. இதனை தொடர்ந்து சாதனை படைத்த ஊழியர்கள், சரக்கு கையாளும் நிறுவனத்தினரை வ.உ.சி. துறைமுகம் நிர்வாகத்தினர் பாராட்டினர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ரியல் எஸ்டேட் அதிபர் விஷம் குடித்து தற்கொலை

தூத்துக்குடி வ.உ.சி. துறைமுகம் புதிய சாதனை!

» செய்திகள் - விளையாட்டு » மாவட்ட செய்தி (தூத்துக்குடி)