» செய்திகள் - விளையாட்டு » மாவட்ட செய்தி (தூத்துக்குடி)

சாகர் கவாச் கடலோர பாதுகாப்பு ஒத்திகை நிறைவு : 14 போலி தீவிரவாதிகள் பிடிபட்டனர்!

வெள்ளி 21, ஜூன் 2024 8:23:46 AM (IST)

தூத்துக்குடி கடலில் 2 நாட்கள் நடந்த ‘சாகர் கவாச்’ பாதுகாப்பு ஒத்திகை நிறைவு பெற்றது.ஒத்திகையில் 14 போலி தீவிரவாதிகள் பிடிபட்டனர். 

கடந்த 2008-ம் ஆண்டு மும்பையில் கடல்வழியாக நுழைந்து தீவிரவாதிகள் தாக்குதல் நடத்தினர். இதனையடுத்து கடலோர பாதுகாப்புக்கு முக்கியத்துவம் அளிக்கப்பட்டு வருகிறது. கடல்வழி மற்றும் கடலோர பாதுகாப்பை பலப்படுத்தும் விதமாக அவ்வபோது அனைத்து பாதுகாப்பு துறைகளையும் ஒன்றிணைத்து பாதுகாப்பு ஒத்திகை நிகழ்ச்சி நடத்தப்பட்டு வருகிறது.

அதன்படி நேற்று முன்தினம் காலை முதல் சாகர் கவாச் என்னும் ஒத்திகை நிகழ்ச்சி நடத்தப்பட்டது. இதனால் கடற்படை, கடலோர காவல்படை, கடலோர பாதுகாப்பு போலீசார், கியூ பிரிவு, மத்திய தொழில் பாதுகாப்புபடை உள்ளிட்ட பாதுகாப்பு படையினர் தீவிரமாக கண்காணிப்பில் ஈடுபட்டனர். தூத்துக்குடி மாவட்ட கடலோர பாதுகாப்பு குழும போலீஸ் இன்ஸ்பெக்டர் சைரஸ் தலைமையில் போலீசார் ரோந்து பணியில் ஈடுபட்டு இருந்தனர்.

அப்போது தூத்துக்குடி கடல் பகுதியில் சந்தேகப்படும்படியாக சுற்றித்திரிந்த 4 படகுகளில் போலீசார் சோதனை நடத்தினர். அப்போது, பயங்கரவாதிகள் வேடம் அணிந்த 14 பாதுகாப்பு படையினரை போலீசார் மடக்கி பிடித்து கைது செய்தனர். அவர்களிடம் இருந்து 4 போலி வெடிகுண்டுகளையும் பறிமுதல் செய்தனர்.

நேற்று 2-வது நாளாக பாதுகாப்பு ஒத்திகை நிகழ்ச்சி நடந்தது. காலை முதல் கடலோர பாதுகாப்பு போலீசார் தீவிர ரோந்து பணியில் ஈடுபட்டனர். தூத்துக்குடி கடல் பகுதியில் உள்ள தீவுகளில் யாரேனும் பதுங்கி உள்ளார்களா என்பது குறித்தும் தீவிர சோதனை நடத்தப்பட்டது. ஆனால் வேறு யாரும் ஊடுறுவவில்லை. தூத்துக்குடி பகுதியில் ஊடுறுவ முயன்ற அனைவரையும் போலீசார் மடக்கி பிடித்ததால், ஆபரேஷன் கவாச் பாதுகாப்பு ஒத்திகை வெற்றிகரமாக முடிந்ததாக போலீசார் தெரிவித்தனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Arputham Hospital








Thoothukudi Business Directory