விளாத்திகுளம் அரசு மருத்துவமனையில் அமைச்சர் மா. சுப்பிரமணியன் திடீர் ஆய்வு!

விளாத்திகுளம் அரசு மருத்துவமனையில் தமிழக சுகாதார மற்றும் குடும்ப நலத்துறை அமைச்சர் மா. சுப்பிரமணியன் திடீர் ஆய்வு மேற்கொண்டார். 

ஆய்வின்போது மருத்துவமனையில் உள்ள வெளி நோயாளிகள் பிரிவு, மருந்தகம், சமையல் கூடம், மருத்துவமனை வளாகம், அறுவை சிகிச்சை அரங்கு என எல்லா இடங்களிலும் ஆய்வு செய்தார் மற்றும் சிகிச்சை பெற்று வரும் நோயாளிகளிடம் கலந்துரையாடினார் இதைத் தொடர்ந்து விளாத்திகுளம் மருத்துவ அலுவலர் சுரேஷ்குமாரிடம் மருத்துவமனைக்கு வருகை தரும் நோயாளிகளின் எண்ணிக்கை, அளிக்கப்படும் சிகிச்சை, விவரங்கள் குறித்தும், இங்குள்ள மருத்துவர்கள் மற்றும் உதவியாளர்கள் காலி பணியிடங்கள், தேவையான மருத்துவ உபகரணங்கள் புதிய கட்டிட வசதிகள் குறித்தும் கேட்டறிந்தார் பின்பு அனைத்தும் செய்து தரப்படும் என்று கூறினார்.

மேலும், இந்த மருத்துவமனையில் 30 ஆண்டுகள் பழமையான எக்ஸ்ரே இயந்திரம் செயல்படாமல் இருப்பதைக் கண்டு உடனடியாக சென்னை டி எம் எஸ் அலுவலகத்திற்கு செல்போன் மூலம் அழைத்து இங்குள்ள எக்ஸ்ரே இயந்திரம் செயல்படாமல் உள்ளது உடனடியாக விளாத்திகுளம் அரசு மருத்துவமனைக்கு எக்ஸ்ரே இயந்திரம் வழங்க நடவடிக்கை எடுக்க வேண்டும் என உத்தரவிட்டார். விளாத்திகுளம் எம்எல்ஏ மார்கண்டேயன், பேரூராட்சி மன்ற தலைவர் சூர்யாஅயன்ராஜ், ஒன்றிய செயலாளர்கள் அன்புராஜன், ராமசுப்பு , ஒன்றிய குழு உறுப்பினர் சுமதி இம்மானுவேல், ஆகியோர் உடன் இருந்தனர்.