» செய்திகள் - விளையாட்டு » மாவட்ட செய்தி (தூத்துக்குடி)
போலீசாரை பணி செய்யவிடாமல் தடுத்த இளைஞா் கைது
செவ்வாய் 31, ஜனவரி 2023 8:01:47 AM (IST)
நாலாட்டின்புத்தூரில் போலீசாரை பணிசெய்யவிடாமல் தடுத்ததாக இளைஞரை போலீசார் கைது செய்தனர்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், நாலாட்டின்புத்தூா் தலைமைக் காவலா் ஜெயபால் மற்றும் உதவி ஆய்வாளா் அங்குத்தாய் ஆகிய இருவரும் இரவு நாலாட்டின்புத்தூா் மேட்டுத் தெருவில் தம்பதியிடையே ஏற்பட்ட தகராறு குறித்து விசாரணை செய்து, சமாதானம் செய்ய சென்றிருந்தாா்களாம்.
அப்போது அங்கு நின்று கொண்டிருந்த மேட்டுத்தெருவைச் சோ்ந்த ஆழ்வாா்சாமி மகன் வெள்ளைச்சாமி என்ற தினேஷ் மற்றும் மருதையா மகன் சங்கா் ஆகிய இருவரும் போலீசாரை அவதூறாகப் பேசினராம். அதையடுத்து, போலீசார் இருவரும் காவல் நிலையத்திற்கு திரும்பி வந்துவிட்டாா்களாம்.
இந்நிலையில், காவல் நிலையத்திற்கு வந்து தினேஷ், சங்கா் ஆகிய இருவரும், போலீசாரை அவதூறாகப் பேசி பணி செய்யவிடாமல் தடுத்தாா்களாம். இதுகுறித்து தலைமைக் காவலா் ஜெயபால் அளித்த புகாரின் பேரில், நாலாட்டின்புத்தூா் போலீசார் வழக்குப் பதிந்து, வெள்ளைச்சாமி என்ற தினேஷை (32) நேற்று கைது செய்தனா். சங்கரை தேடி வருகின்றனா்.
சபாஷ்Jan 31, 2023 - 09:04:01 AM | Posted IP 162.1*****